இன்றைய கார்டூன்

நன்றி தினமணி

ஸ்ரீலங்கா அரசாங்கமும் சிங்கள இன வாதிகளும் தமிழீழ விடுதலைப் புலிகளை அழிக்க வேண்டுமென கூக்குரலிட்டுக் கொண்டிருந்தனர், தமிழர்களை இந்த நாட்டில் இல்லாதொழிக்க வேண்டுமென்பதற்காக சரியான இலக்கின்றி விமானத்தின் மூலம் குண்டுத் தாக்குதல்களை நடத்தி அப்பாவித் தமிழர்களையும் நிலப்பரப்புகளையும் நாசம் செய்து கொண்டு வருகின்றனர். ஸ்ரீலங்கா விமானப்படையின் விமானக் குண்டு வீச்சின் தாக்கத்தில் இருந்து எவ்வாறு தப்பித்துக் கொள்வதென்பதை தமிழ் மக்கள் ஓரளவு புரிந்து வைத்துள்ளனர்,அத்துடன் பழக்கப்பட்ட விடயமாகவும் போய் விட்டது.

சிங்கள மக்களுக்கு விமானத் தாக்குதலென்பது புதிய விடயம், அதிலிருந்து தப்புவது எப்படி என்பது தெரியாமல் தினமும் மனவுளைச்சலுக்கு இலக்காகி வருகின்றனர், ஸ்ரீலங்கா விமானப் படையினர் போன்று விடுதலைப்புலிகள் சரியான இலக்கின்றி குண்டுத் தாக்குதலை நடத்தவில்லை, இதுவரை தமிழீழ வான்படை இலக்கின் மீது மிகவும் துல்லியமாக நடத்திய மூன்று தாக்குதல்களும் அப்பாவி மக்கள் எக்காரணங்கொண்டும் பாதிக்கப்பட மாட்டார்களெனும் விடுதலைப் புலிகளின் பொறுப்புணர்ச்சியைத் தெளிவாகக் காட்டுகின்றது.

ஆனாலும் வானில் இருந்து எந்த நேரத்தில் குண்டு வருகின்றதோ எனத் தெரியாமல் சிங்கள தேசம் வானைப் பார்த்தபடி அல்லாடிக் கொண்டிருக்கின்றது.