க ள த் து மே டு

இன்டபோல் சர்வதேச பொலிஸாரால் தேடப்படும் விடுதலைப் புலிகளின் நெடியவன்!

2012-01-29T23:13:00.000+01:00

கடந்த 2009 ஆம் ஆண்டு தமிழீழ விடுதலைப் புலிகள் ஶ்ரீலங்கா படையினரால் முள்ளிவாய்க்காலில் அழிக்கப்பட்டதைத் தொடர்ந்து, அதன் சொத்துக்களுக்கு உரிமை கொண்டாடவும், போராட்டத்தின் பெயரால் மேலதிக பணத்தினை வசூலிப்பதனை நோக்கமாகக் கொண்டு பலர் விடுதலைப் புலிகள் அமைப்பின் தலைவர்கள் எனக் கூறிக் கொள்கின்றார்கள், இந்தப் பட்டியலில் முன்னணியில் உள்ளவரும் நோர்வேயில் வசிப்பவருமான நெடியவன் எனப்படும் சிவபரன் பேரின்பநாயகம் இன்டபோல் எனப்படும் சர்வதேச பொலிசாரினால் பிடிவிறாந்து பிறப்பிக்கப்பட்டு தேடப்படுகின்றார்.

1976.08.28ஆம் திகதி வட்டுக்கோட்டையில் பிறந்த 35 வயதுடைய சிவபரன் பேரின்பநாயகம் பயங்கரவாத நடவடிக்கையில் ஈடுபட்டமை தொடர்பாகவே இன்டபோல் பொலிஸாரினால் தேடப்படுகின்றார்.

தமிழ்வின் வெளியிட்ட போலிச் செய்திக்கு ஆப்பு!

2012-01-28T20:26:00.000+01:00

அதிக வாடிக்கையாளர்களைச் சேர்த்துக் கொள்வதற்காக புதுப் புதுச் செய்திகளை முந்திக் கொண்டு இணையத்தளங்கள் தரவேற்றி வருகின்றன, இவை நவீன தொழினுட்பத்தின் வளர்ச்சி என்றால் மிகையில்லை, ஆனால் வருமானத்தை மாத்திரமே குறியாகக் கொண்ட "தமிழ்வின்" போன்ற சில இணையத்தளங்கள் போலியான செய்திகளை பிரசுரித்து மக்களை ஏமாற்றி வருகின்றன.

"கூட்டமைப்பு தமிழ் சமூகத்தின் ஆணையை மீறி கிழக்கு முதல்வரை சந்தித்தால் அன்று கிழக்கின் துக்க தினம்! - கிழக்கு பல்கலை பழைய மாணவர்கள்" எனும் தலைப்பில் கடந்த 2012.01.26 ஆம் திகதி தமிழ்வின் வெளியிட்ட செய்தியின் உண்மைத் தன்மையினை அறியாத மேலும் சில இணையத் தளங்கள் அந்த செய்திக்கு இன்னும் கொஞ்சம் மெருகேற்றி பிரசுரித்து இன்பம் கண்டன.

இந்த விடயம் சார்ந்து கிழக்கு பல்கலைக் கழக மாணவர்களினால் எந்தவித அறிக்கைகளும் விடப்படாமல் இருந்த போதிலும் "தமிழ்வின்" மக்களைக் குழப்பும் நோக்கில் உண்மையற்ற செய்தியை பிரசுரித்தமை கண்டிக்கத்தக்கதாகும். கிழக்கு பல்கலைக் கழகத்தின் பழைய மாணவர் சங்கச் செயலாளர் தனது பெயரை வி.குணாளன் என அடிக்குறிப்பிட்டு தமிழ்வின் தரவேற்றிய செய்தி போலியானது என அறிக்கை வெளியிட்டுள்ளார்.

தமிழ் மக்களின் ஒற்றுமை மேலோங்க வேண்டுமென பலர் தொடர் முயற்சிகளை மேற்கொண்டு வரும் வேளையில் "வெண்ணெய் திரண்டு வரும் போது தாழி உடைந்த கதை போல" போலிச் செய்திகளை பிரசுரித்து தமிழ் மக்களைப் பிரித்தாள தமிழ்வின் முன்பும் பல போலிச் செய்திகளைப் பிரசுரித்துள்ளது, இதனை "களத்துமேடு" தோலுரித்துக் காட்டியிருந்தது குறிப்பிடத்தக்கது.

தமிழ்வின் நேர்மையாக ஊடக சுதந்திரத்தைப் பேணுமாக இருப்பின் கிழக்கு பல்கலைக் கழக, பழைய மாணவர் சங்கச் செயலாளர், வி.குணாளன் வெளியிட்ட அறிக்கையையும் வெளியிட வேண்டும், செய்வார்களா?

ஊர் இரண்டுபட்டால் கூத்தாடிக்குக் கொண்டாட்டம்.

அன்பின் தமிழ்வின் இணையத்தள நிர்வாகிக்கு.

உங்கள் இணையத்தளத்தில் 26.01.2012 அன்று கூட்டமைப்பு தமிழ் சமூகத்தின் ஆணையை மீறி கிழக்கு முதல்வரை சந்தித்தால் அன்று கிழக்கின் துக்க தினம்!- கிழக்கு பல்கலை பழைய மாணவர்கள் எனும் தலைப்பில் செய்தி வெளியாகி இருந்ததை அறிந்து அதிர்ச்சியும் கவலையும் அடைகின்றோம்.

எமது கிழக்குப் பல்கலைக் கழகத்தின் பமைய மாணவர் சங்கத்தால் தமிழ்வின் இணையத்தளத்திற்கோ அல்லது வேறு இணையத்தளங்களிற்கோ ஊடகங்களுக்கோ எந்தவிதமான அறிக்கையும் அனுப்பப்படவில்லை இருந்தபோதும் உங்கள் இணையத்தளத்தில் எமது பெயரினைப் பயன்படுத்தி மக்களை குழப்பமடையச் செய்யும் வகையில் செய்திகளை வெளியிட்டமையை இட்டு கடுமையான கண்டனங்களை தெரிவித்துக் கொள்கின்றோம்.

இவ்வாறான போலி அறிக்கைகளை வெளியிடுவதன் மூலம் எமது பழைய மாணவர் சங்கத்தின் நற் பெயருக்கு பாதிப்பை ஏற்படுத்தி இருப்பதுடன் எமது சங்கத்தின் பெயரையும் தவறான முறையில் பயன்படத்தி இருக்கின்றீர்கள். எங்கள் பழைய மாணவர் சங்கத்தின் பெயரில் அறிக்கைகளை வெளியிட உங்களுக்கு யார் அனுமதி தந்தது என்பதனை சொல்ல முடியுமா?

ஒரு ஊடகத்தினை நடாத்திக் கொண்டிருக்கும் நீங்கள் பொய்யான அறிக்கைகள் மூலம் மக்களை குழப்பமடையச் செய்வதன் நோக்கம் என்ன? எதற்காக போலி அறிக்கைகளை தயாரிக்கின்றீர்கள். உங்களுடைய இவ்வாறான செயல்களைப் பார்க்கின்றபோது தமிழ் மக்கள் நிம்மதியாக வாழ விரும்பாதவர்கள் போன்று உங்கள் செயற்பாடுகள் இருக்கின்றன.

தமிழ் தேசியக் கூட்டமைப்பினர் கிழக்கு மாகாண முதலமைச்சரை சந்தித்தால் அந்த நாளை துக்க நாளாக எமது கிழக்கு பல்கலைக்கழக பழைய மாணவர்சங்கம் பிரகடனப் படுத்தவில்லை. எமது மக்கள் நிம்மதியாக வாழ்ந்துகொண்டிருக்கின்றனர். மீண்டும் மீண்டும் எமது மக்களை போலிப் பிரச்சாரங்களும் போலி அறிக்கைகள் மூலமும் குழப்பமடையச் செய்து அரசியல் இலாபம் தேட நினைக்காதீர்கள்.

உங்களால் வெளியிடப் படுகி்ற அறிக்கைகள் அனைத்தும் எமது சங்கத்தின் பெயரில் வெளியிடப்பட்ட போலி அறிக்கை போன்று போலியான அறிக்கைகள்தானா? இனிமேலாவது இவ்வாறான கீழ்த்தரமான வேலைகளைச் செய்யாதீர்கள். எதற்காக எமது சங்கத்தின் பெயரில் போலி அறிக்கையினை வெளியிட்டடீர்கள் என்பதனை சொல்ல முடியுமா?

ஊடகம் எனும் போர்வையில் இனிமேலாவது கீழ்த்தரமான வேலைகளை செய்ய வேண்டாம்.

செயலாளர்
வி.குணாளன்
பழைய மாணவர்சங்கம்
கிழக்கு பல்கலைக்கழகம்

நன்றி: சந்ருவின் பக்கம்

கூட்டமைப்பு சம்பந்தனை பகிரங்க கலந்துரையாடலுக்கு அழைக்கின்றார் கிழக்கு முதலமைச்சர் சந்திரகாந்தன்!

2012-01-23T07:37:00.000+01:00

வடக்கு கிழக்கு இணைப்பு தவிர்ந்த மாகாணங்களுக்கான காணி, காவற்துறை அதிகாரங்கள் பற்றிப் பேசுவதற்கு தமிழ்த் தேசியக் கூட்டமைப்பு பாராளுமன்ற உறுப்பினர் இரா சம்பந்தனை கிழக்கு மாகாணசபை முதலமைச்சர் சிவநேசதுரை சந்திரகாந்தன் பகிரங்க அழைப்பு விடுத்துள்ளார்.

மடல்:
கிழக்கு மாகாண மக்களின் ஆணையைப் பெற்ற முதலமைச்சர் என்ற தோரணைக்கு அப்பால், தமிழ் மக்களின் உரிமைக்கான போராட்டத்தில் 15 வருடங்களுக்கு மேலாக அர்ப்பணிப்புடன் போராடியவன் என்ற ரீதியிலும், எம்மக்களின் அழிவுகளை, இழப்புகளை, இடம்பெயர்வுகளை நேரடியாகக் கண்ணுற்று அனுபவித்தவன் என்ற வகையிலும் இவை நிகழ்காலத்திலும் எதிர்காலத்திலும் எம்மக்களுக்கு ஏற்படக்கூடாது மிக உறுதியாகச் செயற்படும் குடிமகன் என்ற வகையிலும் இந்த மடலை உங்களுக்கு வரைகிறேன்.

கடந்த நாடாளுமன்றத் தேர்தலின் போது தமிழ் மக்களின் அரசியல் ஒற்றுமை பற்றிப் பேச கொழும்பிலுள்ள தங்களின் வாசஸ்தலத்தை நாடி வந்தபோது, 'நான் கிழக்கு மாகாணத்தையோ அதன் முதலமைச்சரையோ ஏற்றுக்கொள்ளவில்லை' என்று கிழக்கு மக்களின் சுயாதீனத்தையும், இறைமையையும் தாங்கள் நிராகரித்த போதும் கூட, தங்களுக்கு எம் மக்களின் சார்பாக இந்த மடலை வரையக் காரணம் ஒட்டு மொத்த தமிழினத்தின் சுபீட்சமான நிம்மதியான நிகழ்கால எதிர்கால நலன்களைத்தவிர குறுகிய அரசியல் நோக்கங்கள் அல்ல என்பதை தாங்கள் முதல்கண் உணர்வீர்கள் என நம்புகிறேன்.

அரசாங்கத்தோடு தமிழ் தேசியக் கூட்டமைப்பினர் கடந்த 18 மாதங்ககளாக 15 சுற்றுக்களாக நடத்திவரும் பேச்சுவார்த்தையில் பேசப்படும் விடயங்கள், தமிழ்மக்களின் சார்பாக கூட்டமைப்பினரால் முன்வைக்கப்படும் அதிகாரப்பகிர்வுக்கான யோசனைகள் இதுவரை கூட்டமைப்பினரால் தங்களுக்கு வாக்களித்த மக்களுக்கோ, நாட்டுக்கோ பகிரங்கப்படுத்தப்படவில்லை. பேச்சுவார்த்தைக்காக அரசாங்கம் அழைப்பதும் சில சுற்றுக்கள் கூடிக் கதைப்பதும் திருப்தி இல்லை என கூட்டமைப்பினர் விலகிக் கொள்வதாக அறிவிப்பதும் பின் அரசாங்கத்துடன் பேசுவதும் என இருதரப்புக்குமிடையிலான பேச்சுவார்த்தையானது தொடர்கதை போல நீள இந்தப் பேச்சுவார்த்தையின் உண்மையான நிலையும் அதில் மறைந்துள்ள மர்மங்களும் தந்திரங்களும் தங்களுக்கும் பேச்சுவார்த்தையில் கலந்துகொள்ளும் ஏனைய நாடாளுமன்ற உறுப்பினர்களுக்கும் மாத்திரமே தெரியும் என நம்புகிறேன்.

ஆனாலும் அண்மைக்காலமாக ஊடகங்களிலும் அரச தரப்பினராலும் வெளியிடப்படும் கருத்துக்களின் அடிப்படையில் தமிழ் தேசியக் கூட்டமைப்பானது அரசாங்கத்துடன் மாகாண சபைகளுக்கான காணி, காவல்துறை அதிகாரங்கள் மற்றும் வட கிழக்கு இணைப்பு ஆகியவற்றை அடிப்படையாகக் கொண்டே பேச்சுவார்த்தை நடத்துவதாக ஊகிக்க முடிகின்றது. எமது இவ் யூகம் உண்மையாக இருக்குமானால் வடக்கு கிழக்கு இணைப்பு தவிர்ந்த காணி, காவல்துறை அதிகாரங்களை வழங்குவது தொடர்பில் நானும் எனது தலைமையிலான தமிழ் மக்கள் விடுதலைப்புலிகள் கட்சியும் தங்களுடன் ஒருமித்த கருத்துடனேயே உள்ளோம். வட கிழக்கு இணைப்பின் சாத்தியப்பாடு குறித்தும் அதில் கிழக்கு மாகாண மக்களது அபிலாசைகள் பற்றியும் தங்களுடன் விரிவாக கலந்துரையாட நாம் தயாராகவுள்ளோம்.

மாகாணங்களுக்கான காணி, காவல்துறை அதிகாரங்கள் தொடர்பில் பேசுவதற்கு கூட்டமைப்பினர், புலிகள் ஆயுதப்போராட்டம் தோற்கடிக்கப்பட்ட பின்னரே முன்வந்துள்ளனர் என்பதுடன் நாம் அதற்கு முன்பிருந்தே மாகாண சபையினைப் பொறுப்பேற்றதிலிருந்து இன்றுவரை குரல் கொத்தும் அதனை பெறுவதற்கும் நாம் முயன்று வருகிறோம். எவ்வாறாயினும் மாகாண சபை முறைமை தொடர்பிலும் மாகாண சபை கட்டமைப்பின் 13ஆவது அரசியல் அதிகாரப்பங்கு தொடர்பிலும் நாம் கடந்த 3 வருடங்களுக்கு மேலாக நேரடியாகத் தொடர்பு பட்டிருக்கிறோம். எனவே தாங்கள் அரசாங்கத்துடன் தமிழ் மக்களின் அதிகாரப் பகிர்வுக்காக மாகாண சபை முறைமையையும் 13ஆவது அரசியல் அதிகாரத்தையும் வலியுறுத்துவீர்களாயின் அது தொடர்பில் கூட்டமைப்புடன் திறந்த மனதுடன் எம்மக்களின் நலனுக்காக பேசுவதற்கு நாம் தயாராக இருக்கிறோம் என்பதுடன் பேச்சுவார்த்தைக்கான பகிரங்க அழைப்பையும் விடுக்கிறேன்.

இனிமேலும் அடையமுடியாத இலட்சியங்களுக்காகவும், கோஷங்களுக்காகவும் எம்மக்களை பலி கொடுக்காமல் யதார்த்த பூர்வமாக அரசியல் தீர்வுக்காக நாம் கரம் கோர்த்து செயற்படுவதே இன்றைய காலத்தின் கட்டாயமும் வரலாற்று கடமையுமாகும் என்பதை மிக மூத்த அரசியல்வாதியும் பழுத்த அனுபவசாலியுமான தங்களுக்கு நான் சொல்லித்தர வேண்டியதில்லை.

எனவே மேற்குறித்த விடயங்கள் குறித்து பேசுவதற்கு இக்கடிதம் கிடைக்கப்பெற்று 15 நாட்களுக்குள் தங்களிடமிருந்து ஆக்கபூர்வமான பதிலை எதிர்பார்க்கிறேன்.

ஒப்பம்
சி.சந்திரகாந்தன்
முதலமைச்சர்
கிழக்கு மாகாணம்.

போதைப் பொருள் கடத்திய மௌலவி!

2012-01-22T17:26:00.000+01:00

போதையை எந்த மதமும் அங்கீகரிக்கவில்லை, இஸ்லாம் மதம் இறுக்கமான கட்டுப்பாடுகளின் ஊடாக போதைப் பொருள் பாவனையை முற்றாகவே தடை செய்துள்ளது, ஆனால் வேலியே பயிரை மேய்வது போல் இஸ்லாமிய மதப் போதகரான சம்மாந்துறையைச் சேர்ந்த ஏ.சி.எம்.புஹாரி மௌலவி போதைப் பொருள் கடத்தலில் ஈடுபட்ட போது சென்னை விமான நிலையத்தில் வைத்துக் கைது செய்யப்பட்டுள்ளார்.

முகமட் புஹாரி அப்துல் காதர் எனும் இயற்பெயரைக் கொண்ட 70 வயதுடைய புஹாரி மௌலவி சென்னையில் இருந்து விமானம் மூலம் கோலாலம்பூருக்கு எபிடரின் எனும் போதைப் பொருளை கடத்த முற்பட்ட போது விமான நிலைய அதிகாரிகளினால் கைது செய்யப்பட்டுள்ளார்.

புஹாரி மௌலவி கைது செய்யப்பட்டதைத் தொடர்ந்து சம்மாந்துறையில் உள்ள இல்லத்தை, சம்மாந்துறை பொலிஸ் நிலைய பொறுப்பதிகாரி ஐ.பி தஹநாயக்க மற்றும் பொலிஸ் நிலைய பெருங்குற்ற பிரிவு பொறுப்பதிகாரி ஐ.பி.இப்றாகிம் தலைமையிலான குழுவினர் தேடுதல் நடாத்தினர்.

தற்கொலை செய்த விடுதலைப் புலிகள் தம்பதியினரின் மரண வாக்குமூலம்!

2012-01-21T14:59:00.000+01:00

தமிழீழ விடுதலைப் புலிகளின் உறுப்பினர்களாக இருந்து சுய வாழ்க்கைக்குத் திரும்பிய நிரஞ்சன் சங்கீதா காதல் தம்பதிகள் கடந்த 2012.01.16 ஆம் திகதி கொடிய வறுமைக்கு முகம் கொடுக்க முடியாமல் தற்கொலை செய்து கொண்டனர். நிரஞ்சன் விடுதலைப் புலிகளின் போராட்டத்தில் காலை இழந்ததுடன், காதலி சங்கீதாவைத் திருமணம் செய்து பால்ப்பண்ணை, முறிப்பு, முள்ளியவளை எனும் விலாசத்தில் வசித்து வந்தார்.

புலம்பெயர்ந்த நாடுகளில் வாழும் விடுதலைப் புலிகள் பெரும் பணச் செலவில் விழாக்களை நடாத்தி போராளிகளின் பேரால் சொத்துக்களைச் சேர்த்து முதலாளிகளாகிக் கொண்டு வருகின்றனர், ஆனால் இந்த போராட்டத்திற்காக அங்கத்தினை இழந்து வாழ முடியாமல் பலர் வறுமையில் தாயகத்தில் வாழ்ந்து வருகின்றார்கள் என்பது புலம்பெயர்ந்த பல விடுதலைப் புலிகளுக்குத் தெரிவதில்லை.

தற்கொலை செய்து கொண்ட நிரஞ்சன், சங்கீதா தம்பதிகள் உறவினர்களுக்கு உருக்கமான இறுதிக் கடிதத்தினை எழுதி வைத்து விட்டு மரணத்திலும் இணைந்து பிரியாவிடை பெற்றுள்ளனர்.

யாழ். அரச செயலகத்தில் அநாகரிகமாக உரையாற்றிய ஶ்ரீதரன் பா.உ.

2012-01-16T15:44:00.000+01:00

யாழ் கிளிநொச்சி மாவட்ட அபிவிருத்தி குழு கூட்டம் இன்று 2012.01.16 ஆம் திகதி யாழ்ப்பாணம் அரசாங்க செயலகத்தில் நடைப்பெற்றது, உண்மையற்ற செய்திகள் ஊடகங்களில் வெளிவருவது தொடர்பாகவும், அறிக்கைகளை பொறுப்பற்று வழங்கக் கூடாதெனவும் ஈபிடிபி பாராளுமன்ற உறுப்பினரும், பாராளுமன்ற குழுக்களின் பிரதித் தலைவருமான மு.சந்திரகுமார் கருத்துத் தெரிவித்தார்.

பா.உ. சந்திரகுமாரின் உரையாற்றும் போது குறுக்கிட்ட தமிழ்த் தேசியக் கூட்டமைப்பு பாராளுமன்ற உறுப்பினர் ஶ்ரீதரன் அநாகரீமாக தனது எதிர்க் கருத்தினைப் பதிவு செய்துள்ளார், இதற்குப் பதிலளித்த பாராளுமன்ற உறுப்பினர் மு.சந்திரகுமார், ஒரு கௌரவ உறுப்பினர் சபை ஒன்றில் நாகரீமாக நடந்துகொள்ள வேண்டும், அநாகரீகமாக நடந்து கொள்ளக் கூடாது எனக் குறிப்பிட்ட போதிலும் அதனைப் பொருட்படுத்தாமல் பா.உ. ஶ்ரீதரன் உணர்ச்சி வசப்பட்டு அநாகரீகமாக கருத்தினை வெளிப்படுத்தினார்.

இந் நிகழ்வுக்கு யாழ்ப்பாணம் மற்றும் கிளிநொச்சி மாவட்ட அரசாங்க அதிபர்கள், பிரதேச செயலர்கள், மற்றும் திணைக்கள உயரதிகாரிகளும் கலந்து கொண்டனர்.

மேலதிக தேடலுக்கு:

அபிவிருத்திக் குழு கூட்டத்தில் அநாகரிமாக நடந்துகொண்ட பாராளுமன்ற உறுப்பினர் சிறீதரன்.

ஶ்ரீ லங்காவில் பதிவுச் சான்றிதழ் பெற்ற இணையத் தளங்கள் விபரம்.

2012-01-13T17:00:00.000+01:00

இலங்கைச் செய்திகளைத் தரவேற்றும் இணையத் தளங்கள் அனைத்தும் தகவல் மற்றும் ஊடகத்துறை அமைச்சில் பதிவு செய்து கொள்ள வேண்டுமென அறிவிக்கப்பட்டதைத் தொடர்ந்து முதன் முறையாக இன்று 2012.01.13 ஆம் திகதி 27 செய்தி இணையத் தளங்கள் ஶ்ரீ லங்காவின் முறையான பதிவுச் சான்றிதழ்களைப் பெற்றுள்ளன.

பதிவுக்காக 81 இணைய தளங்கள் விண்ணப்பித்திருந்தும் 45 இணைய தளங்களே சித்தியடைந்திருந்தன என்பது குறிப்பிடத்தக்கது..

செய்தி இணையத் தளங்களின் விபரம்:

1. www.srilankamirror.com

2. www.jayasriradio.com

3 www.srilankaspotrs.com

4 www.hothotlanka.com

5 www.lankabusinesstoday.com

6 www.tamilaa.com

7 www.pawraradio.com

8 www.lankasitizen.com

9 www.micsrilanka.org

10 www.onlanka.com

11 www.kalasem

12 www.puwath.lk

13 www.tharunayaweb.com

14 www.lankaenews.lk

15 www.lankarepoter.com

16 www.rangalivefm.com

17 www.lankika.net

18 www.siddivoice.info

19 www.srilankapatriot.lk

20 www.nation.lk

21 www.lankaelink.com

22 www.lakfmradio.com

23 www.vfmradio.lk

24 www.karativu.org

25 www.sihasara.com

26 www.maruthamunaionline.com

27 www.news360.lk

ஶ்ரீலங்கா அமைச்சரவையில் பாரிய மாற்றம் பிரதமர் சமல்?

2012-01-12T15:19:00.002+01:00

எதிர்வரும் 2012.01.17 ஆம் திகதி ஶ்ரீ லங்கா அமைச்சரவையில் பாரிய மாற்றம் கொண்டு வர ஆழும் கட்சி முடிவு செய்துள்ளதாக தகவல்கள் கூறுகின்றன. இவ் அமைச்சரவைக்கு பிரதமராக தற்போதைய சபாநாயகரும், ஜனாதிபதி மகிந்த ராஜபக்ஷவின் சகோதரருமான சமல் ராஜபக்ஷ நியமிக்கப்படலாம் என எதிர்பார்க்கப்படுகின்றது.

படத்தில் உள்ள சிறுவனைப் பற்றிய தகவல்கள் தேவை!

2012-01-10T15:43:00.002+01:00

மன நலம் குன்றிய 15 வயது மதிக்கத்தக்க சிறுவன் ஒருவன் களுவாஞ்சிக்குடி பிரதான வீதியில் அநாதரவாக நடமாடியதைத் தொடர்ந்து மட்டக்களப்பு நீதிமன்றத்தில் பொலிஸாரால் ஒப்படைக்கப்பட்டுள்ளார், சிறுவனால் தன்னைப் பற்றிய தகவல்களை வழங்க முடியாமல் இருப்பதால், இவர் மட்டக்களப்பு மாவட்ட சிறுவர் நன்னடத்தை பராமரிப்பு சேவைகள் திணைக்கள பராமரிப்பில் உள்ளார், ஆகவே இவரைப் பற்றிய தகவல்களைத் தெரிந்தவர்கள் மட்டக்களப்பு சிறுவர் நன்னடத்தைப் பராமரிப்பு அலுவலகத்துடன் தொடர்பு கொள்ளவும்.

அலுவலகத் தொலைபேசி இலக்கம் 0652222142

இரா துரைரெத்தினத்தின் பிளவுபட்ட விடுதலைப் புலிகள்!

2012-01-08T16:50:00.000+01:00

சுவிற்சர்லாந்து நாட்டில் இருந்து வெளிவரும் "தினக்கதிர்" எனும் புலிச்சார்பு இணைய பத்திரிகையின் ஆசிரியர் இரா துரைரெத்தினம் அவர்கள், தனது வரலாற்றில் நினைவு கொள்ளத்தக்க விடயங்களை தொடராக பதிவேற்றம் செய்து வருகின்றார், இராமசாமி துரைரெத்தினம் நேர்மையான ஊடகவியலாளரென சிலரால் கூறப்படுகின்ற போதிலும் விடுதலைப் புலிகளுக்கான வகுப்புவாத சிந்தனை கொண்ட இவர், பல தமிழர்கள் விடுதலைப் புலிகளால் சுட்டுச் சரிக்கப்பட்ட போதிலும் மற்றும் முள்ளிவாய்க்கால் பேரவலத்தின் போதும் விடுதலைப் புலிகள் செய்தவை சரியானதென வியாக்கியானம் செய்ய முனைந்தவர் என்பது பல புத்திஜீவிகளின் கருத்தாகும், இதனால் துரைரெத்தினம் பற்றிய மாற்றுக் கருத்துக்களும் பரவலாக உள்ளன.

2012 ஆம் ஆண்டின் முதல் நாளில் இருந்து தனது இணைய ஊடகமான தினக்கதிரில் தொடர் கட்டுரையை எழுதி வருகின்றார், இதில் இரண்டு பாகங்கள் இன்று வரை ஞாயிறு பிரசுரமாக வெளியாகியுள்ளன, ஊடகவியலாளர் இரா துரைரெத்தினத்தின் தொடர் கட்டுரை இடையூறுகளின்றி தொடர்ச்சியாக வெளிவர வேண்டும்.

கருணா அம்மானின் பிளவுபட்ட கிழக்கு மாகாண விடுதலைப் புலிகளின் கள அனுபவத்தினை உயிரோட்டமாக இரண்டாவது பாகத்தில் பதிவேற்றி உள்ளதுடன், இந்த அனுபவப் பகிர்வில் சிவராம் மற்றும் தவராசா போன்ற ஊடகவியலாளர்களின் உழைப்பையும் உறுதிப்படுத்தியுள்ளார்.

உலகம் அழிவை நோக்கி - மாயன் கலண்டர்!

2012-01-07T18:48:00.000+01:00

எதிர்வரும் 2012.12.21 ஆம் திகதி காலை மணி 11:11 அளவில் மாயன் நாள்காட்டி தனது நீண்ட காலத்துப் பயணத்தினை முடித்துக் கொள்கின்றது, இதன் மூலம் மக்களிடம் பரவலான பல கருத்துக்கள் நிலவி வருகின்றன, அவற்றில் முதன்மையானது 2012 டிசம்பர் 21 காலை 11 மணி 11 நிமிடம் 11 விநாடியுடன் உலகம் அழிவை நெருங்குகின்றது என்பதாகும்.

COUNTDOWN FOR WEBSITE

கிமு 2000 ஆண்டுகளுக்கு முன்பு தென் அமெரிக்காவில் மாயா என்ற ஓர் இனம் இருந்தது. 3500 ஆண்டுகள் வாழ்ந்த இந்த இனமானது கடந்த 15-ம் நூற்றாண்டில் அழிந்தது. இந்த இனத்தினர் விஞ்ஞானிகளைவிடவும் புத்திசாலியாக வாழ்ந்ததாக சரித்திரச் சான்றுகள் கூறுகின்றன. மாயன் இனத்தவர் கட்டிடக் கலை, வான சாஸ்திரம், ஜோதிடம், அமானுஷ்யம், கணித சூத்திரம் போன்ற அனைத்துக் கலைகளிலும் தேர்ச்சி பெற்ற வித்தகர்களாக இருந்தனர்.

இன்றைக்கு இருப்பது போன்ற ஒரு நாட்காட்டியினை அவர்களும் வைத்திருந்தனர். இந்தக் காலண்டர் கிமு 313ல் தொடங்கியது. இதன்படி டிசம்பர் 2012ன் 21ம் தேதியுடன் முடிவடைகிறது. அதனால் உலகம் அந்தத் தேதியுடன் முடிவடையும் என்று அவர்கள் ஞானதிருஷ்டியால் உணர்ந்து முற்றுப்புள்ளி வைத்ததாக ஒரு நம்பிக்கை இருக்கிறது. அதாவது சூரிய மண்டலத்திற்கு 7நாள் என்பது பூமியைப் பொறுத்தவரை 25,625 வருடங்களாம். இதனை மாயன் காலண்டர் 5 கால கட்டங்களாகப் பிரிக்கிறது. ஒவ்வொரு கால கட்டமும் 5125 வருடங்களைக் கொண்டிருக்கிறது. இதன்படி 4 கால கட்டங்கள் முடிவடைந்து இப்போது 5வது காலகட்டம் நடந்துகொண்டிருக்கிறது. அந்த நாட்காட்டி 21.12.2012ல் முடிவடைகிறது. அதன்படி 21.12.2012ல் உலகு அழியும் என்று ஒரு சாரார் நம்புகிறார்கள்.

நாட்காட்டி முடிவடைந்ததே தவிர 2012 ல் உலகம் அழியும் என்று மாயன் இனம் எங்கும் சொல்லவில்லை. அவர்கள் தனது இனத்தின் அழிவைப் பற்றியே கூடச் சொல்லவில்லை. அது அவர்களின் கணக்குபடியான யுக மாற்றத்திற்க்காகவே இருக்கும். இயற்கைப் பேரழிவுகள் உலகம் தொடங்கிய காலந்தொட்டு நிகழ்ந்தவண்ணமே இருக்கின்றன. சுனாமியும் கூட அப்படி ஒன்றுதான்.மக்களின் இந்த பயத்தை சினிமா உலகம் பயன்படுத்திக் கொண்டது.

உலகப் புகழ்பெற்ற தீர்க்கதரிசியான நாஸ்டர்டாமஸ் என்பவர் (1503 – 1566) எப்போது ஏப்ரல் மாத வெள்ளிக்கிழமை 25ம் தேதி வருமோ அன்று உலகம் அழியும் என எழுதியே வைத்துள்ளார். பின்பாக 1666, 1734, 1886 மற்றும் 1943 ஆகிய வருடங்களில் ஏப்ரல் 25ம் தேதி வெள்ளிக்கிழமை வந்தது.

இதனைப்போலவே கிரீஸ்வெல், ஜூனேலி ரோயர் போன்ற பல தீர்க்கத்தரிசிகள் உலகம் அழியும் என்று கணித்து சொன்ன வாக்குகள் பொய்த்தே இருக்கின்றன. லண்டன் வான சாஸ்திரக் குழு ஒன்றும் 1523ம் ஆண்டில் கணித்த கணிப்பின்படி 1.2.1524 பெரும் வெள்ளத்தால் லண்டன் மாநகரம் அழியும் எனச் சொல்லியது. ஆனால் அத்தேதியில் ஒரு மழைகூடப் பெய்யவில்லை. ஜெர்மனியில் ஜோஹன்னஸ் ஸ்டஃப்ன எனும் கணிதமேதையும் இப்படித்தான் வெள்ள அபாயத்தால் ஜெர்மனி நகரம் அழியும் என்றார். அன்று பயங்கரமான மழையும் அவர் சொன்னதைப்போல பெய்தது. ஆனால் அவர் சொன்னது போன்ற பிரம்மாண்ட அழிவு ஏதும் நிகழவில்லை

செய்தி

கவுதமாலா நாட்டில் சுமார் 1600 ஆண்டுகள் பழமையான மாயன் மன்னரின் கல்லறை கண்டுபிடிக்கப்பட்டுள்ளது. மாயன் நாகரிகம், மத்திய மற்றும் வடக்கு அமெரிக்க பகுதிகளில் பரவியிருந்தது. மாயன் அரசர்கள், மக்களால் கடவுள்போல கருதப்பட்டனர். கிபி 250 முதல் 900 வரை இவர்களது காலம் ஆகும். பிரவுன் பல்கலைக்கழகத்தை சேர்ந்த ஸ்டீபன் ஹூஸ்டன் தலைமையிலான அகழ்வாராய்ச்சியாளர்கள், கவுதமாலா நாட்டில் அகழ்வாராய்ச்சி மேற்கொண்டனர்.

அப்போது 1600 ஆண்டு பழமையான, மாயன் மன்னரின் கல்லறை கண்டுபிடிக்கப்பட்டுள்ளது. அதிலிருந்து 6 குழந்தைகளின் எலும்புக்கூடுகளும், பீங்கான், துணிகள் உள்ளிட்ட ஏராளமான பொருட்களும் கண்டெடுக்கப்பட்டுள்ளன. இந்த பொருட்கள்,மாயன் மன்னர் பயன்படுத்தியதாக இருக்கலாம் என்று ஆராய்ச்சியாளர்கள் கருதுகின்றனர்.

குழந்தைகள், மாயன் அரசன் இறந்தபோது அவனுக்காக பலி கொடுக்கப்பட்டவர்களாக இருக்கலாம் என கூறப்படுகிறது. இது, கிபி 350 - 400க்கு இடைப்பட்ட காலத்தில் வாழ்ந்த மாயன் மன்னரின் கல்லறையாக இருக்கலாம் என தெரிகிறது. கல்லறையில் குடைந்தும், செதுக்கியும் உருவாக்கப்பட்ட சிற்பங்கள் ஏராளமாக உள்ளன. கல்லறையில் இருந்து எடுக்கப்பட்ட பொருட்கள் குறித்து ஆராய்ச்சி நடந்து வருகிறது. இதன் மூலம் மேலும் பல தகவல்கள் தெரியவரும் என்கிறார்கள் ஆராய்ச்சியாளர்கள்.

மாயன் கலாச்சாரம்

ஐரோப்பிய ஏகாதிபத்திய துப்பாக்கிகளுக்குத் தப்பிய வட மற்றும் தென் அமெரிக்க பூர்வகுடியினங்கள் வெகு சிலவே. இம்மக்களின் கலாச்சாரமும் வரலாறும் நான்கைந்து நூற்றாண்டுகளில் இருந்த இடம் தெரியாத அளவிற்கு மனிதாபிமானமற்ற முறையில் அழிக்கப்பட்டு விட்டன.

'த மோட்டார் சைக்கிள் டயரி' எனும் படத்தில் 'மாயன்' அமெரிக்கப் பூர்வகுடியினரின் அழிந்துபோன பிரம்மாண்டமான நகரங்களையும் பெரும் பெரும் கட்டிடங்களையும் காணலாம்.

தற்காலத்தில் இருக்கும் மெக்சிகோ, குவாதிமாலா, ஹூந்துராஸ் போன்ற நாடுகள் விரவியிருக்கும் மத்திய அமெரிக்கப் பகுதிகளில் கிமு 2600 வாக்கில் மாயன் நாகரிகம் தோன்றியது. மாயன் இனத்தவர் கணிதம், எழுத்துமுறை, வானியல் போன்ற துறைகளிலெல்லாம் மேம்பட்டிருந்தனர். மிக விசாலமான, நுணுக்கமான கட்டிடக்கலை மாயன் இனத்தவரின் சிறப்பாகும். கி.மு.150 வாக்கில் மாயன் நாகரிகம் உச்சத்தை அடைந்தது. அதன்பின் பல்வேறு காரணங்களால் அது சீரழியத் தொடங்கியது.

ஸ்பெயின் நாட்டவர் குடியேற்றம், விசித்திரமான மூட நம்பிக்கைகள், பங்காளிச் சண்டைகள் மற்றும் முறையற்ற விவசாயம் போன்றவை மாயன் கலாச்சார பேரழிவிற்கு காரணிகளாக இருக்கலாம் என நிபுணர்கள் கருதுகிறார்கள். தற்காலத்தில்சுமார் 6 இலட்சம் மாயன் இனத்தவர் மெக்சிகோ, குவாத்திமாலா போன்ற நாடுகளில் இருப்பதாக அறியப்படுகிறது.

மாயன் கணிதம்

20 அடிமான எண் முறையை மாயன்கள் பயன்படுத்தினர். மாயன்களின் கணிதத்திறமைக்கு சான்று அவர்களின் பூஜ்ஜியம் பயன்பாட்டு முறையாகும். மிக வளர்ச்சியடைந்ததாகக் கருதப்படும் கிரேக்க நாகரிகங்கள் கூட பூஜ்ஜியம் பயன்பாட்டுமுறையை அராபியர்களிடம் இருந்தே அறிந்து கொண்டார்கள். மாயன்கள் எண்களை குறிப்பிட மிக எளிமையான அதே சமயத்தில் மிகப் பெரிய எண்களைக் கூட எழுதவல்ல ஒரு குறியீட்டு முறையை கையாண்டார்கள். இக்குறியீட்டு முறை ஒரு '_' மாதிரியான கோடு ஒரு புள்ளி ஒரு நீள்வட்டக் குறி ஆகியவற்றை மட்டுமே உள்ளடக்கியது.

கீழ்க்காணும் படத்தில் மாயன் குறியீட்டு முறையில் எண்களைக் காணலாம்.

பெரிய எண்களைக் குறிப்பிடும் முறை

கூட்டல் முறை

மாயன் கட்டிடக் கலை

அமெரிக்காவின் பூர்வ குடிகளில் கட்டிடக் கலையில் மிகச் சிறந்து விளங்கியவர்கள் மாயன்கள் என்று சொல்லப்படுகிறது. நவீன வரலாறு தொல்லியல் மற்றும் சமூகவியல் ஆராய்ச்சியாளர்களுக்கு மாயன் காலாச்சாரத்தில் ஆர்வம் ஏற்பட்டதில் சிதிலமடைந்த மாயன் நகரங்களும் கட்டிடங்களும் பெரும் பங்காற்றியிருக்கின்றன.

ஏனைய தொல் நாகரிகங்களைப் போல் அல்லாமல், மாயன்கள் இரும்பு போன்ற உலோகங்கள் மற்றும் சக்கரங்களைப் பயன் படுத்தாமலயே மிகப் பெரிய மத சடங்குகளுக்கான இடங்களையும், பிரமிடுகளையும் இருப்பிடங்களையும் கட்டியுள்ளனர். மிக நுனுக்கமான வேலைப்பாடுகள் நிறைந்த சிற்பங்களையும் அவர்களின் கலாச்சார சின்னங்களாகக் காணலாம்.

மாயன் வானியல்

மற்றைய பெரு நாகரிகங்களைப் போல் மாயன்களும் வானியலில் வல்லமை பெற்றிருந்தனர். அவர்கள் சூரியன், சந்திரன், புதன் மற்றும் சுக்கிரன் போன்றவற்றின் சுழற்சி முறைகளை வெகுவாக அவதானித்து ஆவணப்படுத்தியிருந்தனர். சந்திர மற்றும் சூரிய கிரகணங்களை முன்கூட்டியே கணக்கிட்டுத் தீர்மானிக்கும் அளவிற்கு திறன் பெற்றிருந்தனர். சடங்குகளில் அதீத நம்பிக்கை பெற்றிருந்த மாயன்கள் வானியல் நிகழ்ச்சிகளை அடியொட்டியே சட்ங்குகளை நடத்தினர். ட்ரெடெக்ஸ் எனப்படும் மாயன் பஞ்சாங்கக் குறிப்பேட்டிலிருந்து இதற்கான ஆதாரங்கள் பெறப்படுகின்றன.

மாயன் நம்பிக்கைகள்:

ஆயிரம் ஆண்டுகளுக்கு முந்தைய நாகரிகம் என்பதற்கேற்ப மாயன்கள் பல்வேறு வினோதமான மத சடங்குகளையும் நம்பிக்கைகளையும் கொண்டிருந்தனர். ஒவ்வொரு ஆண்டும் ஒரு முறை சிற்றரசர்கள் அவர்களுடைய கடவுளிடம் பேசி ஆலோசனை பெறும் ஒரு சடங்கை நடத்துவர். இச் சடங்கின் போது அரசன் தன் ஆண்குறியை கீறி அதில் வரும் இரத்தத்தை எடுத்து கூடியிருக்கும் மக்களிடம் காணிபித்து பின் கடவுளிடம் பேசி அதன் அலோசனையை மக்களிடம் கூறுவானாம். அதன் பின் அவனது அடிமைகளில் ஒருவரை பலியிடுவார்களாம். அந்த அடிமைகள் பெரும்பாலும் போரில் தோற்ற அண்டை நாட்டு அரசர்களாக இருப்பார்களாம்.

இலக்கியம்:

ஹைரோகிளிப்ஸ் என ஆங்கிலத்தில் அழைக்கப்படும் பட எழுத்து முறையை மாயன்கள் பயன்படுத்தினர்.கல்வெட்டுக்கள் சிற்பங்கள் போன்றவற்றில் எழுதியது மட்டுமில்லாமல், ஒருவகையான புத்தகம் தயாரிக்கும் முறையையும் அவர்கள் பயன்படுத்தி வந்தனர். இவ்வாறு பல புத்தகங்களை அவர்கள் எழுதியிருக்கலாம் எனக் கருதப்படுகிறது. ஸ்பானிய ஏகதிபத்தியத்துடன் வந்த அடிப்படை வாத கிறிஸ்தவர்கள் பல மாயன் நூல்களை அழித்துவிட்டார்கள். இதில் தப்பியவை நான்கே நான்கு நூல்கள் தாம்.

வீழ்ச்சி

இவ்வளவு வளத்துடன் ஓங்கி செழித்து வளர்ந்த நாகரிகம் ஏறக்குறைய புல் பூண்டில்லாமல் போய்விட்டது. அதற்கான காரணத்தை அறிஞர்கள் இன்னும் அறுதியிட்டுக் கூறவில்லை.இவையாக இருக்கலாம் எனக் கருதப்படும் சிலவற்றில் முக்கியமானது, அண்டை நாடுகளுக்கிடையே அடிக்கடி ஏற்பட்ட பங்காளிச் சண்டைகள், காடுகளை அழித்து அவர்கள் நடத்திய விவசாயம் வெகு காலம் தாக்குப் பிடிக்கவில்லை, ஸ்பானிய குடியேற்றங்களுடன் வந்த அம்மை மற்றும் காலரா போன்ற வியாதிகள் பெருவாரியான மாயன்களை மிகக் குறுகிய காலத்தில் அழித்திருக்கலாம். ஆனால் இவையெல்லாம் தாண்டி சுமார் 6 இலட்சம் மாயன்கள் தற்காலத்திலும் மெக்ஸிகோ, குவதிமாலா போன்ற நாடுகளில் வசிக்கிறார்கள். ஆனால் அவர்களின் நிலைமை பின்தங்கிய நிலையிலே உள்ளது.

நன்றி : தமிழ்குரல்

மேலதிக தேடலுக்கு : www.greatdreams.com

லண்டனில் உலா வரும் தமிழீழம் பேரூந்து - காணொளி

2012-01-06T14:30:00.000+01:00

பிரித்தானியாவின் வடமேற்கு லண்டன் பகுதியின் கிங்ஸ்பிறி பகுதியூடாக தமிழீழம் என எழுதப்பட்ட பயிற்றுநர் பேரூந்து சேவையில் உள்ளது. ஈழ வரைபடம், கார்த்திகைப் பூ, விடுதலைப் புலிகளின் பாயும் புலி இலச்சனை, பிரித்தானிய தேசியக் கொடி மற்றும் "நான் பெரிது நீ பெரிதென்று வாழாமல் நாடு பெரிது, தமிழ் பெரிது, தமிழ் மானம் பெரிதென்று வாழ்" எனும் வாசகமும் பேரூந்தின் முகப்பின் மேல்க் கண்ணாடியில் பொறிக்கப்பட்டுள்ளது.

ACT-FIRST எனும் பிரித்தானிய தனியார் பேரூந்து நிறுவனத்தின் L77EUK எனும் இலக்கத்தைக் கொண்ட தமிழீழ இலச்சனை பொறித்த பேரூந்தில் பல்லின மக்களும் ஓட்டுநர் பயிற்சி பெறக்கூடியதாக இருப்பினும் மாவீரர் குடும்பத்தினருக்கு இலவச பயிற்சி என அறிவிக்கப்பட்டுள்ளது.

இந்தப் பேரூந்தில் பொறிக்கப்பட்டுள்ள ஈழம் சார்ந்த வார்த்தைப் பிரயோகங்கள் அனைத்தும் வியாபார நோக்கத்துக்கான விளம்பரமாக இருந்தாலும் ஈழத்தின் பால் இவர் கொண்டுள்ள பாசம் பாராட்டுதற்குரியதே!

மேலதிக தேடலுக்கு:

Act First
Bridge Park Community Leisure Centre
Brentfield
Harrow Road
London
NW10 0RG

தொலைபேசி இலக்கம் 020 8961 9686, 07915 104395

இணையத் தளம்: http://www.act-first.com

பல்கலைக் கழக நினைவுச் சிலை சேதம் - மாணவர்கள் எதிர்ப்பு ஊர்வலம் (படங்களுடன்)

2012-01-06T11:59:00.000+01:00

கொழும்பு ஶ்ரீ ஜெயவர்தனபுர பல்கலைக் கழகத்தில் அமைந்திருந்த நினைவுச் சிலையினை அண்மையில் அரச படையினர் சேதமாக்கி இருந்தனர், இதற்கு எதிர்ப்புத் தெரிவித்து பல்கலைக் கழக மாணவர்கள் கடந்த புதன்கிழமை 2012.01.04 ஆம் திகதி நீதி கோரி பாரிய எதிர்ப்பு ஊர்வலத்தினை நடாத்தினர்.

தமிழ்த் தேசியக் கூட்டமைப்புக்கு எதிராக யாழ்.சாவகச்சேரியில் ஹர்த்தால்!

2012-01-05T12:54:00.000+01:00

தமிழ்த் தேசியக் கூட்டமைப்பின் ஆளுகைக்குட்பட்ட சாவகச்சேரி பிரதேசசபையின் தன்னிச்சையான நடவடிக்கைகள் மக்களுக்கான பாதிப்புக்களை ஏற்படுத்தி வருகின்றது, இதனை நிறுத்தக் கோரி சாவகச்சேரி மக்கள் இன்று 2012.01.05 ஆம் திகதி கடையடைப்புடன் கூடிய ஹர்த்தால் நடவடிக்கையை மேற்கொண்டனர்.

சாவகச்சேரி பிரதேசசபைத் தலைவர் தேவசகாயம்பிள்ளை வர்த்தகர்கள் மீது அதிகப்படியான வரிச் சுமைகளை ஏற்படுத்தி வருவதால் ஏற்படும் அசௌகரியங்கள் உட்பட ஒன்பது கோரிக்கைகளை முன்வைத்து தமிழ்த் தேசியக் கூட்டமைப்புக்கு எதிரான ஹர்த்தால் நடவடிக்கையை சாவகச்சேரி வர்த்தகர் சங்கத்தினர் மேற்கொண்டனர்.

இறுதியில் தமிழ்த் தேசியக் கூட்டமைப்பின் பாராளுமன்ற உறுப்பினர் ஶ்ரீதரன், சபையின் முரணான நடவடிக்கைக்காக பிரதேச மக்களிடம் மன்னிப்புக் கேட்டதுடன், வர்த்தகர் சங்கத்தினரின் கோரிக்கைகளை நிறைவேற்றுவதாகவும் உறுதியளித்ததைத் தொடர்ந்து நாளை வழமைபோன்று கடைகள் திறக்கப்படுமென வர்த்தகர் சங்கம் அறிவித்துள்ளது, இதே போன்று ஏனைய பணிகளும் நாளை இடம்பெறுமென அறிய முடிகின்றது.

புத்தாண்டு வரவேற்பில் பிரதியமைச்சர் கருணா அம்மான் காதலியுடன் குத்தாட்டம் - படங்களுடன்!

2012-01-04T10:53:00.001+01:00

2012 ஆம் ஆண்டை வரவேற்பதற்காக கொழும்பு காலிமுகத் திடலுக்கு முன்னால் உள்ள ரமாடா நட்சத்திர விடுதியில் ஏற்பாடாகியிருந்த களியாட்ட நிகழ்வில் முன்னாள் தமிழீழ விடுதலைப் புலிகளின் கேணல் கருணா அம்மான் பிரத்தியேக செயலாளருடன் கலந்து சிறப்பித்தார். ஶ்ரீ லங்கா சுதந்திர கட்சியின் பிரதித் தலைவரும், மீள் குடியேற்ற பிரதி அமைச்சருமான விநாயகமூர்த்தி முரளிதரன் நிகழ்வில் இசைக்கேற்ப யுவதிகளுடன் குத்தாட்டத்தில் ஈடுபட்டது கண்கொள்ளாக் காட்சியாக இருந்தது என கூடவே கலந்து கொண்ட அதிதி ஒருவர் தெரிவித்தார்.

யுத்தத்தில் பாதிக்கப்பட்ட மக்களில் பலர் இன்னமும் மீள் குடியேற்றம் செய்யப்படாமல் கண்ணீருடன் அகதிகளாக புத்தாண்டை வரவேற்கும் போது இவர்களுக்காக போராடப் புறப்பட்டேன் எனக் கூறிக் கொள்ளும் முன்னாள் கேணலும், தற்போதைய பிரதியமைச்சருமான கருணா எனும் முரளிதரன் இம் மக்களின் வேதனைகளை மறந்து குத்தாட்டத்தில் ஈடுபட்டிருப்பது வேதனையானது.

மேலதிக படங்களுக்கு : SLFP Vice President in action

இன்று முதல் இலங்கைக்கு வரும் வெளிநாட்டுப் பயணிகளுக்கான இலத்திரனியல் விசா!

2012-01-01T20:19:00.001+01:00

சிங்கபூர், மாலைதீவு நீங்கலாக ஏனைய நாடுகளில் இருந்து இலங்கைக்கு இடைத் தங்கல் மற்றும் குறுகிய கால பயணம் மேற்கொள்வோர் இன்றில் இருந்து (2012.01.01) இணையம் வழியான கட்டணம் செலுத்திய இலத்திரனியல் விசாவினைப் பெற வேண்டியது கட்டாயமாக்கப்பட்டுள்ளது.

சிங்கபூர் மற்றும் மாலைதீவு நாடுகளில் இலங்கைப் பயணிகளுக்கான குறுகிய கால விசா வழங்கல் விமானநிலையதிலே செயற்படுவதனைப் போல் இலங்கைக்கு வரும் அவ்விரு நாட்டுப் பயணிகளுக்கான குறுகிய கால விசா விமான நிலையத்திலே இலவசமாக வழங்கப்படுமென அறிவிக்கப்பட்டுள்ளது.

மேலதிக தேடலுக்கு : www.eta.gov.lk/slvisa

பிரான்ஸ் நாட்டில் ஈழப் போராட்ட தலைவர்களின் தபால் முத்திரை வெளியீடு!

2011-12-31T11:34:00.000+01:00

பிரான்ஸ் நாட்டு பொருளாதார சட்ட விதிக்கமைய தபால் முத்திரைகளை தனி நபர்களும் கட்டளைகளைப் பெற்று பிரசுரம் செய்யலாம், இதற்கமைய தமிழர் விடுதலைக் கூட்டணி செயலாளர் நாயகம் அ.அமிர்தலிங்கம், ஈழ மக்கள் புரட்சிகர விடுதலை முன்னணி செயலாளர் நாயகம் க.பத்மநாபா, தமிழீழ விடுதலை இயக்கத் தலைவர் ஶ்ரீ சபாரெத்தினம் மற்றும் தமிழ் ஈழ மக்கள் விடுதலைக் கழகத் செயலதிபர் உமா மகேஸ்வரன் போன்றொரின் முகம் பதித்த தபால் முத்திரைகள் பிரான்ஸ் நாட்டில் ஈழ ஆதரவாளர்களால் வெளியீடு செய்யப்பட்டுள்ளது. இதே போன்று தமிழீழ விடுதலைப் புலிகளின் தலைவர் வே.பிரபாகரனின் முகம் பதித்த தபால் முத்திரையும் ஆதரவாளர்களினால் பதிப்பிக்கப்பட்டு கொள்வனவு செய்யப்பட்டது என்பது குறிப்பிடத்தக்கது.

அண்மைக்காலமாக பிரான்ஸ் நாட்டில் தமிழீழ விடுதலைப் புலிகளின் நடவடிக்கைகள் அந் நாட்டுச் சட்ட விதிக்கு முரணாக இருப்பனால் நிதி வசூலிப்பு போன்ற நடவடிக்கைகள் தடை செய்யப்பட்டது, இதனால் பணத்தினைத் திரட்ட முற்படும் விடுதலைப் புலிகளின் வியாபாரிகள் பிரபாகரனின் முத்திரைத் தலையினை பதிப்பித்து அதனூடாக தமிழீழ ஆதரவாளர்களிடம் பணம் வசூலிப்புக்கான முயற்சியினை மேற் கொண்டுள்ளனர்.

பிரான்ஸ் நாட்டு சட்ட விதிக்கமைய தபால் முத்திரைகளை பதிப்பித்து கொள்ள விரும்பும் நபர்கள் http://montimbramoi.laposte.fr எனும் இணையத்தளத்தின் ஊடாக தங்களுக்கு விரும்பிய செல்லப் பிராணிகளின் அல்லது விரும்பிய நபர்களின் படங்களை முத்திரையாக பதிப்பித்துக் கொள்ளலாம்.

முத்திரை வெளியீடு தொடர்பாக veera.vsv@hotmail.fr எனும் மின்னஞ்சலில் தமிழ் மூலமான மேலதிக தகவல்களைப் பெறலாம்.

மேலதிக தேடலுக்கு:
தேனீ இணையத்தளம்
பிபிசி - தமிழ்

இருட்டில் கறுப்பு ஆட்டைத் தேடும் தமிழ் ஒலி வானொலி! - ஒலி ஆதாரம்

2011-12-30T12:54:00.000+01:00

தமிழீழ விடுதலைப் புலிகள் அமைப்பு அழிக்கப்பட்ட பின்னர் புலம்பெயர்ந்த நாடுகளில் வாழும் அப்பாவி மக்களிடம் விடுதலைப் புலிகள் அமைப்பு புலம்பெயர்ந்த நாடுகளில் இப்போதும் பலமாக இருப்பதாகவும், அதனால் தமிழீழத்தை விரைவில் பெற்று விடுவோமென்று போலியான வாக்குறுதிகளை பரப்பி விட்டு, பண வசூலிப்பை மேற்கொள்ளுகின்றனர். பணத்தை கையகப்படுத்தலில் ஏற்படும் போட்டி காரணமாக பல குழுக்களாகப் பிளவுபட்டுள்ளதுடன் மோதல்களும் மேலைத்தேய நாடுகளில் ஆங்காங்கே நடைபெற்று வருகின்றன.

கடந்த காலங்களில் தமிழீழ விடுதலைப் புலிகளுக்காக பிரான்ஸ் நாட்டில் இருந்து ஒலிபரப்பாகும் ரி.ஆர்.ரி தமிழ்ஒலி வானொலி குரல் கொடுத்து வந்தது, ஈழத்தில் தமிழீழ விடுதலைப் புலிகள் செய்த அக்கிரமங்களை நியாயப்படுத்தி புலம்பெயர்ந்த நாடுகளில் வாழும் தமிழர்களுக்கு பரப்புரை செய்வதே இந்த வானொலியில் நோக்கமாக இருந்தது. எனினும் 2009 ஆம் ஆண்டு மே மாதம் விடுதலைப் புலிகள் அழிக்கப்பட்ட பின்னர் உருவாகியுள்ள குழுக்களின் பிளவுகளை இப்போது விமர்சனம் செய்து வருகின்றது, இந்த விமர்சனத்தின் மூலம் மக்களை ஏமாற்றி வாழும் நெடியவன் குழு, விநாயகம் குழு போன்றோரை அடையாளம் காட்டுகின்றது இவ் வானொலி.

மக்களைத் தெளிவு படுத்துவதற்காக இவ்வகையான நிகழ்ச்சிகளை நடாத்துவதாக குறிப்பிடும் இந்த வானொலியினர் விடுதலைப் புலிகளின் தலைவர் பிரபாகரன் ஶ்ரீலங்கா படையினரால் கொல்லப்பட்டதனை இற்றைவரை மறைத்து செய்தி பகர்கின்றார்கள், ஏன் இந்த மௌனம், மக்களை முட்டாள்களாக்க எவரும் முனையக் கூடாது என பிரச்சாரம் செய்யும் வானொலி இந்த மௌனத்தைக் கலைக்க வேண்டும்.

எதிர்வரும் 2012.01.01 ஆம் திகதி ஞாயிற்றுக்கிழமை இரவு ரி.ஆர்.ரி தமிழ் ஒலி வானொலியின் அரசியல் சமூகமேடையில் இந்திய வாசிப்பு தொகுப்பாளரும், வாசிப்பாளரும், உணர்வாளருமான திரு.தமிழ்வேல் அவர்கள், "புலம்பெயர்ந்த தமிழர்கள் அனைவரும் முட்டாள்கள், ஈழத்தமிழர்களுக்காகப் போராடுகின்றோமெனக் கூறிக்கொண்ட அனைத்து அமைப்பினரும் துரோகிகள்" எனும் வாதத்தை முன் வைத்து உரையாடவுள்ளார், இவருடன் வாதம் புரிய நேயர்கள் மாத்திரமின்றி நாடுகடந்த தமிழீழ அரசின் பொறுப்பாளர்கள், பிரித்தானிய தமிழ் போரம், ஈழத் தமிழர்களுக்காக நாங்கள் போராடுகின்றோமென கூறிக் கொள்ளும் நெடியவன் குழுவினர், மற்றும் ஏனைய அமைப்பினர்களை விவாதத்துக்கு அழைக்கின்றார்.

♡இந்த விவாதத்தின் மூலமாக பல விடயங்களை வெளிக்கொணர முடியுமென காலம் கடந்து ஞானம் பிறந்து உரத்துக் கூற முற்படும் வானொலியினர் கடந்த காலங்களில் விடுதலைப் புலிகளுக்காக வக்காளத்து வாங்கியதுடன் மற்றைய மாற்றுக் கருத்துக் கொண்ட அமைப்பினரைப் பற்றிய கீழ்த்தரமான விமர்சனங்களை நடாத்தி புலம்பெயர் தேசத்தில் விடுதலைப் புலிகளை புனிதர்களாக உயர்த்த முனைந்தனர், ஆனால் உதிரியாக உள்ள இப்போதைய விடுதலைப் புலிகள் இங்கு நடாத்தும் அயோக்கியத்தனம் எல்லோருக்கும் தெரிந்ததனால் இவர்களை மாத்திரம் விமர்சனத்துக்கு உட்படுத்தாமல் ஏனைய அமைப்பினரையும் விமர்சனத்துக்கு உட்படுத்துவது வேடிக்கையாக உள்ளது.

எனக்கு ஒரு கண் போனாலும் பரவாயில்லை, எதிரிக்கு இரண்டு கண்களும் போக வேண்டுமென்பதில் இந்த வானொலியினர் உறுதியாக உள்ளது தெளிவாகின்றது.

மேலதிக தேடலுக்கு: ☞ தமிழ் ஒலி வானொலி

சுவிஸில் விடுதலைப் புலி வியாபாரிகளின் கலை நிகழ்ச்சி - மக்கள் பீதியில்! - காணொளி

2011-12-29T15:31:00.002+01:00

மேலைத்தேய நாடுகளில் வாழும் பிளவுபட்டுள்ள தமிழீழ விடுதலைப் புலிகளின் வியாபாரிகள் எதிர்வரும் புத்தாண்டு தினத்தில் இந்திய கலைஞர்களைக் கொணர்ந்து நிகழ்ச்சிகள் நடாத்துவதன் மூலம் தங்களது வருமானத்தை அதிகரிப்பதற்கான வேலைத் திட்டத்தில் இறங்கி உள்ளனர். சுவிற்சர்லாந்து நாட்டில் "புத்தாண்டில் புது நிமிர்வு" எனும் தலைப்பில் ஒரு அணியும், "புதிய மகிழ்வு" எனும் தலைப்பில் இன்னொரு அணியினரும் கலை நிகழ்ச்சியினை புத்தாண்டு தினத்தில் நடாத்தவுள்ளனர்.

வருமானமீட்டுவதற்காக நடாத்தும் இந்த கலை நிகழ்ச்சி எனும் வியாபாரத்தில் ஏற்பட்ட முரண்பாடுகளினால் ஆங்காங்கே ஒரு குழுவை இன்னொரு குழு திட்டித் தீர்ப்பதனையும், வன்முறையில் ஈடுபடுவதனையும் காணக் கூடியதாகவுள்ளது.

இதனால் எதிர்வரும் முதலாம் திகதி விபரீதம் ஏதும் ஏற்படலாமென சுவிஸ் காவற்துறை எதிர்பார்ப்பதாகவும், இதனைத் தடுப்பதற்காக முன்னேற்பாடுகளை மேற்கொண்டுள்ளதாகவும் தகவல்கள் கூறுகின்றன.
கடந்த மாவீரர் தினத்திலும் இரண்டு குழுக்களுக்குள் ஏற்பட்ட முரண்பாடுகளால் கலந்து கொண்ட மக்கள் பீதியடைந்திருந்தனர் என்பது குறிப்பிடத்தக்கது.

சுவிசில் தமிழக நடிகர்கள் கலந்துகொள்ளும் நிகழ்ச்சியும் நெடியவன் குழு பரப்பிய வதந்தியும் - வானொலி நிகழ்ச்சி

விடுதலைப் புலிகளின் தலைமைச் செயலக உறுப்பினரின் பாலியல் வக்கிரம் அம்பலம்!

2011-12-27T19:52:00.000+01:00

தமிழீழ விடுதலைப் புலிகளின் அழிவுக்குப் பின்னர் உதிரியாகிய சிலர் தமிழீழ மீட்பர்கள் தாமென தம்பட்டம் அடித்து சுயநல வாழ்வியலுக்கான பணமீட்டுதலை ஆரம்பித்துள்ளனர், விடுதலைப் போராளிகள் எனும் நாமத்தைப் பயன்படுத்தி மேலைத்தேய நாடுகளில் வாழும் தமிழர்களிடன் அனுதாபத்தை ஏற்படுத்தி அப்பாவிப் பெண்களிடன் பாலியல் வக்கிரங்களை நடாத்தி வருகின்றனர்.

அண்மையில் மலேசியாவில் வாழும் ஈழ ஆதரவாளரான பெண்ணொருவருடன் நிர்வாண படங்களை பரஸ்பரம் பரிமாற்றம் செய்து இறுதியில் இணையத்தில் தரவேற்றி பாலியல் வக்கிரங்களை பூர்த்தி செய்து கொண்டவர்கள் இந்த தமிழீழ விடுதலைப் புலிப் போராளிகளே ஆகும்.

அதேபோன்று தமிழீழ விடுதலைப் புலிகளின் தலைமைச் செயலக மற்றும் அனைத்துலக தொடர்பக உறுப்பினர்கள் நடாத்தும் பெண்கள் மீதான பாலியல் வக்கிர சம்பாசனைகள் இணையத்தளங்கள் மூலமாக அரங்கேறி வருகின்றன.

நோர்வே, டென்மார்க், சுவீடன் பகுதிகளின் தமிழீழ விடுதலைப் புலிகளின் தமிழ்ச் சங்கமெனும் இசை குழுவாக தன்னை அடையாளம் காட்டி செங்கதிர் என்பவர் ஏதுமறியாத அப்பாவிப் பெண்களைப் புணர்ந்து வருவதாக பாதிக்கப்பட்டவர்கள் மூலமாகவும் இணையத்தளங்கள் மூலமாகவும் அறிய முடிகின்றது.

இணையத்தளங்களில் வெளியாகியுள்ள ஒலிப்பதிவில் நாகரீகமற்ற உரையாடலே அதிகமாக இருப்பதால் இணைக்க முடியவில்லை, கேட்க விரும்புவோர் கீழேயுள்ள இணையத்தளத்துக்குச் சென்று கேட்கலாம்.

மேலதிக தகவல்களுக்கு:
தலைமை செயலகத்திற்கும் அனைத்துலக செயலகத்திற்கும் இடையே பெண்களுடன் போட்டா போட்டி.

தமிழ் சிவில் சமூகத்துக்கு ஆங்கிலத்தில் பதிலளித்த சம்பந்தன் - கடிதம் இணைப்பு

2011-12-25T12:30:00.000+01:00

வடக்கு கிழக்கு இணைக்கப்படுவதுடன் அதற்கான முழுமையான ஆட்சி அதிகாரம் வேண்டும் அத்துடன் தமிழ்மொழி ஆட்சி மொழியாக இருக்க வேண்டுமென்றெல்லாம் அரசாங்கத்திடம் கேட்பதாகக் கூறி போலிக் கண்ணீர் வடித்து வரும் தமிழ்த் தேசியக் கூட்டமைப்பினரும் தலைவர் இரா.சம்பந்தனும் தமிழ் மக்களை காலம் காலமாக ஏமாற்றி வருவதனை மறுப்பதற்கில்லை.

அண்மையில் தமிழ் சிவில் சமூகத்தினால் தமிழ்த் தேசியக் கூட்டமைப்பு பாராளுமன்ற உறுப்பினர்களுக்கு அனுப்பப்பட்ட கடிதத்துக்கு பதிலளிக்கும் விதத்தில் மன்னார் ஆயர் இராயப்பு ஜோசப் அவர்களுக்கு நேற்று இரா.சம்பந்தன் கடிதம் அனுப்பியுள்ளார், தமிழை ஆட்சி மொழியாக அமைக்குமாறு கோருவதாக மக்களை ஏமாற்றும் கூட்டமைப்பினர் ஆயருக்கு அனுப்பிய கடிதத்தை ஆங்கிலத்தில் எழுயுள்ளார், ஆயரும் தமிழர், அவர்கள் எழுதி அனுப்பிய கடிதமும் தமிழ்மொழியில் அமைந்திருந்தது என்பது குறிப்பிடத்தக்கது.

23rd December 2011

To: Rt. Rev. Dr. Rayappu Joseph
Roman Chatholic Bishop of Mannar
Bishop’s House
Mannar

Dear Rev. Sir,

I am in receipt of the letter sent by you and some others to the notice of the members of Parliament of the Tamil National Alliance, certain issues pertaining to the Tamil people. We have been busy with several matters and I regret the delay in responding.

The copy of the letter received by me has not been signed by anyone, though the names of several persons have been referred to as purported signatories. Nevertheless, I have decided to send you a response, as you are the first of several persons referred to as senders. I observe that the said letter has also received publicity in the media. Hence, I will release this response to the media.

It is not always possible to release to the public, all matters that take place in our talks with the Government. Our talks are however so structured to ensure that any political solution will be reasonable, workable and durable, and that it will conform to the aspirations of the majority of our people.

We are prepared to meet and discuss with you and others all matters raised in the aforesaid letter. Arrangements for such a meeting can be finalized on hearing from you.

With my respectful regards,

Yours sincerely,

R. Sampanthan

Member of Parliament
Group Leader
Tamil National Alliance

நன்றி: இலங்கைநெற்

தமிழ் சிவில் சமூகம் தமிழ்த் தேசியக் கூட்டமைப்புக்கு அறிவுரை

தமிழ் சிவில் சமூகத்துக்கு பதிலளிக்கிறார் இரா.சம்பந்தன்

2011-12-24T18:14:00.002+01:00

அரசாங்கத்துக்கும் தமிழ்த் தேசியக் கூட்டமைப்புக்கும் இடையில் இடம்பெறும் பேச்சுவார்த்தை மூடுமந்திரமாகவே உள்ளதாக தமிழ்த் தேசியக் கூட்டமைப்பில் அங்கம் வகிக்கும் சில பாராளுமன்ற உறுப்பினர்களும், பல கூட்டமைப்பின் ஆதரவாளர்களும் ஆதங்கம் தெரிவித்துள்ள நிலையில் பிரான்ஸ் நாட்டில் இருந்து ஒலிபரப்பாகும் தமிழ் வானொலிக்கு செவ்வி வழங்கிய தமிழ்த் தேசியக் கூட்டமைப்பில் அங்கம் வகிக்கும் தமிழீழ மக்கள் விடுதலைக் கழகத்தின் தலைவர் த.சித்தார்த்தன் தெரிவித்த கருத்தின் பிரகாரம் அரசாங்கத்துடன் நடைபெறும் பேச்சுவார்த்தை விடயங்கள் சம்பந்தன், சுமந்திரன் மற்றும் சுரேஸ் பிரேமச்சந்திரன் போன்ற மூவரையும் தவிர வேறெவருக்கும் தெரிந்திருப்பதில்லை (செவ்வி நிமி 45:00), அடுத்த நாள் பத்திரிகைச் செய்தியினைப் பார்த்தே தெரிந்து கொள்வதாகவும் குறிப்பிட்டுள்ளார்.

தமிழ்த் தேசியக் கூட்டமைப்பினுள் அங்கம் வகிக்கும் கட்சிகளுக்குள் அரசாங்கத்துடன் பேசுவது சம்பந்தமான கருத்தொற்றுமை இல்லையென்பதுடன் தீர்வு சம்பந்தமாக எவ்வித முன்னேற்பாட்டு கலந்துரையாடல்களும் இதுவரை நடைபெறவில்லையென சித்தார்த்தன் குறிப்பிட்டுள்ளது முக்கிய விடயமாகும்.

எதிர்வரும் வட மாகாண சபைத் தேர்தல் மற்றும் எதிர்கால அரசியல் நடவடிக்கையில் தமிழ்த் தேசியக் கூட்டமைப்பு எவ்வாறு நடந்து கொள்ள வேண்டுமென்பது தொடர்பாக தமிழ் சிவில் சமூகம் அறிக்கையொன்றினை அண்மையில் அனுப்பி வைத்தது, இந்த அறிக்கையில் பல புத்திஜீவிகள் கையொப்பம் இட்டுள்ளார்கள்.

தமிழ் சிவில் சமூகத்தின் அறிக்கைக்கு தமிழ்த் தேசியக் கூட்டமைப்பின் தலைவர் இரா.சம்பந்தன் பதிலளிக்கும் விதமாக, அரசாங்கத்திற்கும் எமக்கும் இடையிலான பேச்சுவார்த்தையில் இடம்பெறும் எல்லா விடயங்களையும் பொதுமக்களிற்கு வெளியிடுவது சாத்தியமற்றதாகுமென அவ் அறிக்கையில் முதலாவதாக கையொப்பம் இட்டிருந்த மன்னார் கத்தோலிக்கப் பேராயர் கலாநிதி. இராயப்பு ஜோசப் அவர்களுக்கு கடிதம் அனுப்பியுள்ளார்.

தமிழ்த் தேசியக் கூட்டமைப்பின் நடவடிக்கைகள் அனைத்தும் தமிழ் மக்களை உணர்ச்சிச் வசப்படுத்தி வாக்குகளைப் பெற்று அரசியற் கதிரைகளைப் பெறுவதே தவிர வேறெந்த நன்நோக்கமும் இல்லையென பொது மக்கள் அனைவரும் உணர்ந்துள்ள நிலையில், அரசாங்கத்திடம் பேச்சுவார்த்தையில் ஒன்றும் மறு நிமிடம் பின் கதவால் சென்று இன்னொன்றும் கேட்டு வரும் கூட்டமைப்பின் சந்தர்ப்பவாத அரசியல் தெரியாதது அல்ல.

அரசாங்கத்துக்கும் தமிழ்த் தேசியக் கூட்டமைப்புக்கும் இடையில் நடைபெறும் பேச்சுவார்த்தைகளின் சாரம்சத்தை பொது மக்களுக்கு வெளியிடுவதில் சிக்கல் இருக்குமாயின் கூட்டமைப்பு பாராளுமன்ற உறுப்பினர்களுக்காவது தெரிவிக்கலாம் அல்லவா, இரகசியம் பேண வேண்டிய தேவை இதில் இல்லை. மேலே சித்தார்த்தனால் குறிப்பிடப்பட்டுள்ள மூவருக்கு மாத்திரமே தெரிந்துள்ள பேச்சுவார்த்தை தொடர்பான விடயங்களை ஏனைய கூட்டமைப்பு பாராளுமன்ற உறுப்பினர்கள் அறிய முடியாமலிருப்பதற்கான காரணமென்ன?

கூட்டமைப்பின் உள்ளேயே ஒற்றுமையைப் பேணும் முயற்சி இன்னும் இல்லாமல் இருப்பதால் அனைத்து தமிழ் சமூகத்தையும் ஒற்றுமைப்படுத்த சுயநலவாதிகளான தமிழ்த் தேசியக் கூட்டமைப்பினால் முடியுமா?

மேலதிக தேடலுக்கு:

தமிழ் சிவில் சமூகம் தமிழ்த் தேசியக் கூட்டமைப்புக்கு அறிவுரை

அரசுடன் பேசும் எல்லா விடயங்களையும் பொது மக்களிடம் சொல்ல முடியாது - கூட்டமைப்பு

மக்கள் விடுலைக் கழக(PLOTE) தலைவர் த. சித்தார்த்தன் அவர்கள் வழங்கிய செவ்வி

சிவில் சமூகத்துக்கு சம்பந்தர் பதில்

மழலையின் பாடலில் ஆனந்தக் கண்ணீர் வடித்த நடுவரும் விஜய் தொலைக்காட்சியும்! - காணொளி

2011-12-23T15:39:00.000+01:00

தென் இந்திய தொலைக்காட்சியான விஜய் தொலைக்காட்சியில் ஒளிபரப்பாகி வரும் "சுப்பர் சிங்கர் ஜூனியர் - 3 தமிழகத்தின் செல்ல குரல்களுக்கான தேடல்" நிகழ்சியின் 2011.12.22 ஆம் திகதி நேற்றைய அங்கத்தில் 'என் உச்சி மண்டையில சுர்ரெங்குதே...' எனும் பாடலைப் பாடிய குழந்தைப் பாடகி சுருதிகா தனது மழலைக் குரலால் பாடிய போது இனிமை குடிகொண்டது, இவளின் அசாத்திய திறமையை நடுவர்கள் பாராட்டிய போதிலும் பாடகர் புஸ்பவனம் குப்புசாமி உளம் உருகி ஆனந்தக் கண்ணீர் வடித்தார்.

வளர்ந்து வரும் பாடகர்களை ஊக்குவித்து முன்னணிக்கு கொண்டு வரும் விஜய் தொலைக்காட்சியின் அனேகமான நிகழ்ச்சிகள் சமூக முற்போக்கு திறன் வாய்ந்தவை, என்றாலும் அனேக நிகழ்ச்சிகளில் தமிங்கில ஆதிக்கம் அதிகமாகவே காணப்படுகின்றன.

தமிழ் மொழியைப் பொறுத்தமட்டில் உயர்திணை, அஃறிணை, ஒருமை, பன்மை போன்ற இலக்கண பண்புகளுடன் வேறெந்த மொழிகளிலும் இல்லாத சிறப்பம்சங்கள் பல உள்ளன, அவற்றில் தனி மனிதனையே பன்மையில் (நீ - நீங்கள்) விழிக்கும் பண்பு சிறப்பானது, இந்த தமிழின் பண்பாட்டுச் சிறப்பியல்பினை நிகழ்ச்சி தொகுப்பாளர்கள் கடைப்பிடிக்காமை வரவேற்கத்தக்கதல்ல.

அத்துடன் நாகரீகமாக தமிழினைப் பேசாமல் தொகுப்பாளர்கள் நடத்தும் அரட்டை அருவருப்பாகவுள்ளது, இதனை விஜய் தொலைக்காட்சி கவனத்தில் எடுத்தால் சிறப்பாக இருக்கும்.

ஈழத்துப் பாடகர் சாந்தனின் புதல்வன் நடிகர் கோகுலன்.

2011-12-21T14:11:00.000+01:00

ஈழத்தின் பாடகர்களாக பலர் இருந்த போதிலும், சிலரே பிரபல்யம் பெற்று விளங்கினர், அவர்களிலும் மிகச்சொற்பமானவர்களே இன்றும் நிலைத்து நிற்கின்றார்கள், அந்த வரிசையில் நூற்றுக் கணக்கான போர்க் கால எழுர்ச்சிப் பாடல்களைப் பாடி மக்களின் மனங்களில் தமிழீழ விடுதலைப் புலிகளின் தேசியப் பாடகர்களாக இடம் பிடித்துக் கொண்ட சார்ந்தன் மற்றும் சுகுமார் போன்றவர்கள் முக்கியமானவர்களாவர்.

ஈழத்துப் பாடகர் எஸ்.ஜி.சாந்தனின் மகன் கோகுலன் இப்போது சிங்கள பாடல்களைப் பாடுவதுடன் படங்களிலும் நடித்து வருகின்றார், அண்மையில் அவர் நடித்து வெளிவந்த "செல்வம்" எனும் சிங்கள திரைப்படம் அனைவராலும் பாராட்டப்பட்டது.

வன்னி யுத்தத்தில் சிக்குண்டு படையினரிடம் சரணடைந்தவர்களுள் சாந்தனும் ஒருவர், புனர்வாழ்வு பெற்று விடுதலையான பின்னர் அமைச்சர் டக்ளஸ் தேவானந்தாவின் அரவணைப்பில் வாழ்ந்து வருவதுடன் அமைச்சரின் புகழைப் பாடலாகவும் பாடியிருந்தார்.

1972 ஆம் ஆண்டு கொழும்பு கதிரேசன் வீதியில் கலைப் பயணத்தை ஆரம்பித்த எஸ்.ஜி.சாந்தன் 1977 ஆம் ஆண்டு கிளிநொச்சிக்கு இடம்பெயர்ந்தார், கூடவே இசை ஞானத்தையும் கொண்டிருந்ததால் 1981 ஆம் ஆண்டு கண்ணன் இசைக் குழுவுடன் இசைந்து பாடல்களைப் பாடினாலும் அவ் இசைக் குழு நீண்ட ஆயுளைப் பெறாததால் 1982 ஆம் ஆண்டில் சாந்தன் இசைக் குழுவெனும் தனது பெயரிலேயே இசைக் குழுவை அமைத்து இசைக் கச்சேரிகளை நடாத்தி வந்தார்.

தேச விடுதலைப் போராட்டத்தில் கலைஞர்களின் பங்கு காத்திரமானது, ஆதலால் சாந்தனையும் ஈழ விடுதலைப் போராட்டம் ஆட்கொண்டதில் வியப்பில்லை, இதனால் தமிழீழ விடுதலைப் புலிகளின் போராட்டக் களத்துக்கு தனது புதல்வர்களான கானகன் மற்றும் இசையரசன் இருவரையும் அர்ப்பணித்தவர் ஈழத்துப் பாடகர் சாந்தன்.

தந்தையைப் போல் தனையன்களான இசையரசனும், கோகுலனும் பாடல்களைப் பாடக் கூடியவர்களே, இப்போது கோகுலன் பாடகராகப் பரிணாமம் பெற்று பாடல்களைப் பாடி வருகின்றார், தேச ஒற்றுமைக்காக சிங்கள பாடல்களைப் பாடுவதுடன் "செல்வம்" எனும் சிங்கள படத்திலும் நடித்துள்ளார், இலைமறை காயாக இருந்த ஈழத்துப் படைப்பாளிகளின் புகழ் உலகமெல்லாம் பரவட்டும்.

தமிழக சினிமா பாடலாசிரியர்கட்கு நிகராக கிழக்கிலங்கையில் உதித்த கவிஞன்!

2011-12-20T20:42:00.000+01:00

தமிழ் ஆக்க இலக்கியத்துறையில் தமிழகப் படைப்பாளிகளுள் ஈழத்துப் படைப்பாளிகள் சளைத்தவர்கள் அல்ல என்பதை நவாலியூர் சோமசுந்தரப் புலவர் முதல் இன்றைய இளம் படைப்பாளிகள் ஈறாக எண்ணற்ற படைப்பாளிகளின் பல படைப்புகள் வெளிவந்துள்ளன, அவற்றுக்குரிய தளங்களும், தட்டிக்கொடுப்புக்களும் உரிய காலத்தில் கிடைக்காமையால் பல காத்திரமான படைப்புகள் காணாமலே போய் விட்டன.

இன்றைய சினிமாப் பாடல்களின் வரி வடிவங்களில் கருத்தியல் ரீதியாக எவற்றையும் காண முடியாது, மாறாக அவற்றில் மலிந்திருப்பவை துள்ளல் இசையுடன் கூடிய பாலான வார்த்தைகளே என்றால் அதில் மிகையில்லை. இப்படியான பாடலாசிரியர்களே தமிழக சினிமாவிலும் அதிகம் ஆதிக்கம் செலுத்துகின்றார்கள், ஆனால் ஈழத்து படைப்பாளிகளின் கவிதைகளில் வக்கிரமான அல்லது பாலான கருத்தியலைக் காண்பது முயற்கொம்பைத் தேடுவதற்கு ஒப்பாகும்.

தமிழ் இசையுலகை தமிழக சினிமா ஆட்கொண்டுள்ளதால் ஈழத்து படைப்பாளிகளுக்குரிய அந்தஸ்து கிடைக்காமல் உள்ளது, தமிழீழ விடுதலைப் புலிகளினால் அவர்கள் சார்ந்த படைப்பாளிகள் புரட்சிகர போர்ப் பாடல்களைப் பாடி ஆங்காங்கே கௌரவம் பெற்றார்கள், ஆனால் ஒட்டுமொத்த ஈழத்து படைப்பாளிகளுக்கும் அக் கௌரவம் கிடைக்கவில்லை, உள்நாட்டு யுத்தமும் இதற்கொரு காரணமெனலாம்.

கிழக்கிலங்கையில் புகழ்பெற்ற பல கவிஞர்களின் கவிதைகள் நூலுருவில் வெளிவந்துள்ளதுடன் பரிசில்களையும் பெற்றுள்ளன, இந்த வரிசையில் "காந்தள் பூக்கும் தீவிலே...." எனும் பாடலின் மூலம் பலரினாலும் திரும்பிப் பார்க்க வைக்கப்பட்டவர் பொத்துவில் அஸ்மின் எனும் இளம் படைப்பாளி, இலங்கையிலுள்ள சக்தி தொலைக்காட்சியின் "இசை இளவரசர்கள்" எனும் நிகழ்ச்சியின் மூலம் பாடலாசிரியராக அறிமுகமான அஸ்மின், சிறந்த பாடலாசிரியருக்கான ஜனாதிபதி விருது மற்றும் அகஸ்தியர் விருதி போன்ற பல விருதினையும் பெற்றுள்ளார், இவரின் வார்த்தை வரிகளுக்கு வவுனியா கந்தப்பு வசந்தன் இசையுடன் குரல் கொடுக்க, கூடவே வசந்தனின் சோதரி ஜெயப்பிரதாவும் பாடுகின்றார்.

2002 ஆம் ஆண்டு "விடை தேடும் வினாக்கள்", 2003 ஆம் ஆண்டு "விடியலின் ராகங்கள்" எனும் இரு கவிதை நூல்களை வெளியிட்ட கவிஞர் அஸ்மின் விரைவில் "ரத்தம் இல்லாத யுத்தம்" எனும் கவிதை நூலை விரைவில் வெளியிடவுள்ளார் அத்துடன் விரைவில் வெளிவரவிருக்கும் "பனைமரக்காடு", "வல்லைவெளி" போன்ற திரைப்படங்களுக்கான பாடல்களையும் இவரே எழுதியுள்ளார் என்பது மேலதிக தகவலாகும்.

இப்பாடலுக்கு முன்னதாக பொத்துவில் அஸ்மினும், வவுனியா கந்தப்பு வசந்தனும் சேர்ந்து உருவாக்கிய "எங்கோ பிறந்தவளே..." எனும் பாடலும் குறிப்பிடும்படியாக அமைந்திருந்தது. தென்னிந்திய இசைத்துறைக்கு நிகராக இந்தப் பாடல்களும் உருவாக்கப்பட்டுள்ளதால் பலராலும் விரும்பிக் கேட்கக் கூடியதாக உள்ளது, பொத்துவில் அஸ்மின், கந்தப்பு வசந்தன் மற்றும் ஜெயப்பிரதா போன்று இலைமறை காயாக வாழும் அனைத்துக் கலைஞர்களும் வெளிச்சத்துக்கு வந்து எண்ணற்ற படைப்புகளைத் தர வேண்டும்.

இசை:கே.ஜெயந்தன்
வரிகள்:கவிஞர் அஸ்மின்
பாடியோர்: கே.ஜெயந்தன், கே.ஜெயப்பிரதா

• பல்லவி

ஆண்:
காந்தள் பூக்கும் தீவிலே..- உன்
காந்தப் பார்வை தீண்டுமா..?
பூங்காற்று எந்தன் பாடலை
உன் காதில் சேர்க்குமா....?
பெண்:
இந்த வானம் பூமி நீயடா
இன்று நானும் கூட நீயடா
நாம் காதல் செய்து வாழவே
இந்த ஜென்மம் போதுமா...?
ஆண்:
கனவிலும் உன்னை தேடுகின்றேன்
கண்களை விட்டு தூரப் போனாய்...
நினைவிலே வந்து காதல் சொல்லி
பூக்கள் வீசடி
ஒரு வார்த்தை பேசடி
(காந்தள் பூக்கும் தீவிலே...)

• சரணம்-01

பெண்:
ஒரு தடவை வந்து போனாய்
பல தடவை நொந்து போனேன்
உன் இதயம் மறந்தால் நான்
உயிருடனே உதிர்ந்து போவேன்..!
உன் சிரிப்பில் இதயம் தொலைத்தேன்
உன் தெருவில் தேடி அலைந்தேன்
உன் முகத்தை காணாமல்
உயிருடனே நாளும் புதைந்தேன்....!

ஆண்:
மேசையில் பலகதை
படிக்காமல் கிடக்கின்றதே...!
ஆசையில் என்விழி
உனை தேடி தவிக்கின்றதே...!
நான் உலகமே போற்றும்
கலைஞனடி!
உன் காதலால் இன்று
ரசிகனடி....
நீ உதட்டினால் என்னை
கொன்றிட வந்தால்
ஆயிரம் முறை நான் சாகரெடி...!

(காந்தள் பூக்கும் தீவிலே)

ஆண்:
என்தேசம் நீயடி
உயிர் சுவாசம் நீயடி
என்வாழ்வும் நீயடி
எந்தன் ஆறுயிரே......!!

• சரணம்-02

பெண்:
பேருந்தில் நெருங்கி இருந்தாய்
பேசாமல் நொருங்கி நகர்ந்தேன்...
உன்னோடு பேசாமல்
தனிமையில் பேசி சிரித்தேன்...
உன்பெயரை சொல்லி ரசித்தேன்..!
உனக்காக சமையல் பயின்றேன்
உன்னோடு வாழத்தான்
பூமியிலே பெண்ணாய் பிறந்தேன்..!

ஆண்:
விழியிலே உன் முகம்
விடிந்தாலும் இருக்கின்றதே...
வலியிலே என்மனம்
துடித்தாலும் சிரிக்கின்றதே...
நான் உனக்கென பிறந்த
கவிஞனடி...!
நீ இதழ்களை கொண்டு
என்னைப்படி..!
உன் கண்களின் அழகை
ஒருமுறை பார்த்தால்
கவிதைகள் தற்கொலை செய்யுமடி..!!
(காந்தள் பூக்கும் தீவிலே)

ஆண்:
உயிர்பூவும் நீயடி..
என்தீவும் நீயடி..
இங்கு யாவும் நீயடி..
எந்தன் தேவதையே..

(காந்தள் பூக்கும் தீவிலே)

தமிழ்த் தேசியக் கூட்டமைப்பினுள் ரெலோவுக்கு கதவடைப்பு!

2011-12-20T09:47:00.000+01:00

தமிழ்த் தேசியக் கூட்டமைப்பினால் அரசாங்கத்துடனோ அல்லது வேறு விடயமாகவோ நடைபெறும் பேச்சுவார்த்தைகளில் தமிழீழ விடுதலை இயக்கத்தினை சேர்த்துக் கொள்வதில்லை எனும் குற்றச்சாட்டு பலமாகியுள்ளதால் அங்கம் வகிக்கும் தமிழீழ விடுதலை இயக்கம் (ரெலோ) விரிசல் அடையும் நிலைக்கு தள்ளப்பட்டுள்ளது.

தமிழ்த் தேசியக் கூட்டமைப்பின் தலைமையால் ரெலோ இயக்கத்தினைப் பிரித்துப் பார்ப்பது தொடர்பாக அவ் அமைப்பினுள் கருத்துப் பரிமாற்றம் பலமானதைத் தொடர்ந்து நேற்று 2011.12.19 ஆம் திகதி கொழும்பில் ரெலோவின் செயற்குழு உறுப்பினர்களான செல்வம் அடைக்கலநாதன், விநோநோகாதரலிங்கம், மற்றும் சிவாஜிலிங்கம் அடங்கலாக எழுவர் கலந்து கொண்டு செயற்குழுக் கூட்டத்தினை நடாத்தி பின்வரும் தீர்மானங்களை நிறைவேற்றியதுடன் அத் தீர்மானங்களை தமிழ்த் தேசியக் கூட்டமைப்பின் தலைவர் இரா.சம்பந்தனுக்கும் அனுப்புவதென்று தீர்மானிக்கப்பட்டது.

அரசுடனான தமிழ்த் தேசியக் கூட்டமைப்பின் பேச்சுவார்ததை உட்பட அனைத்துப் பேச்சுவார்த்தைகளிலும் டெலோ இயக்கப் பிரதிநிதி ஒருவரைச் சேர்த்துக் கொள்ளல்.

இராஜதந்திரிகள் மற்றும் தூதுவர்களுடனான கூட்டமைப்பின் சந்திப்புக்களின் போதும் டெலோ இயக்கத்தைச் சேர்த்துக் கொள்ளல்.

தமிழ் மக்களின் பிரச்சினைகள் தொடர்பில் சந்திப்புகள், கலந்துரையாடல்கள் நடத்தும் பொருட்டு வெளிநாடுகளுக்கச் செல்லும் போது டெலோ இயக்கத்துக்கும் இடமளித்தல்.

சிறிரெலோ இயக்கத்தையும் தமிழ்த் தேசியக் கூட்டமைப்புக்குள் ஓர் அங்கத்துவக் கட்சியாகச் சேர்த்துக் கொள்ளல்.

மேலதிக தேடலுக்கு;
பேச்சுவார்த்தை தொடர்பில் ரெலோ கட்சி சம்பந்தன் ஐயாவிற்கு கடிதம்.

அரசியல் தீர்வு திட்டம் தொடர்பாக ஈபிடிபி - அரசாங்கம் பேச்சுவார்த்தை (அறிக்கை இணைப்பு)

2011-12-19T22:54:00.000+01:00

தமிழ் மக்களின் அரசியல் தீர்வுத் திட்டம் தொடர்பாக ஈழ மக்கள் ஜனநாயகக் கட்சியினர் அரசாங்கத்துடன் இன்று 2011.12.19 ஆம் திகதி பாராளுமன்ற கட்டிடத் தொகுதியில் பேச்சுவார்த்தை நடாத்தினர்.

ஈபிடிபி அரசாங்கத்திடம் சமர்ப்பித்த அறிக்கை

நாடுகடந்த தமிழீழ பாராளுமன்ற உறுப்பினராக ஈபிடிபி சிவா நியமனம்!

2011-12-18T13:52:00.000+01:00

நாடுகடந்த தமிழீழத்தவர்களுள் குழுநிலைவாதம் ஏற்பட்டதால் முரண்பாட்டவர்கள் தங்களது மேலதிக வருமானத்துக்காக குழுக் குழுக்களாக பண வசூலிப்பைத் தொடர்கின்றார்கள், இவர்களுள் ஒரு குழுவான நாடுகடந்த தமிழீழ அரசாங்கத்தினருக்கு ஆளணி பற்றாக்குறை ஏற்பட்டுள்ளதால் லண்டன் வெளிப் பகுதி (லண்டன் – பேர்மிங்ஹாம்) வெற்றிடத்துக்காக ஈபிடிபி முன்னாள் உறுப்பினர் சிவா எனப்படும் வன்னியசிங்கம் குணசீலன் நாடுகடந்த தமிழீழத்தின் பாராளுமன்ற உறுப்பினராக பிரதமர் உருத்திரகுமாரனால் நியமிக்கப்பட்டுள்ளார்.

1990 - 1996 ஆம் ஆண்டு வரையான காலப் பகுதியில் ஈழ மக்கள் ஜனநாயக கட்சியின் தீவகப் பகுதியின் பொறுப்பாளரான இராமேஸ்வரன் (மதன்), இராமமூர்த்தி (சீலன்) சகோதரர்களுக்கு வலதுகரமாகச் செயற்பட்டு வந்தவர் வன்னியசிங்கம் குணசீலன் (சிவா) ஆகும்.

1996 ஆம் ஆண்டு காலப் பகுதியில் ஈபிடிபி பாராளுமன்ற உறுப்பினர்களாக இருந்த இராமேஸ்வரன், இராமமூர்த்தி போன்றோர் நெடுந்தீவு புகையிலை வியாபாரிகளின் புகையிலைகளை முறைகேடாக கையாடியமை தொடர்பான ஈபிடிபியின் உள்ளக விசாரணையில் குற்றவாளியாகக் கண்டு பிடிக்கப்பட்டமையினால் கட்சியில் இருந்தும், பாராளுமன்ற அங்கத்துவத்தில் இருந்தும் நீக்கப்பட்ட போது அவர்களுக்கு உடந்தையாக இருந்த வன்னியசிங்கம் குணசீலன் (சிவா) பல்வேறு குற்றத்துக்காக தண்டனை பெற்று ஈபிடிபியில் இருந்து நீக்கப்பட்டவர் என்பது குறிப்பிடத்தக்கது.

மேலதிக தேடலுக்கு:

நாடு கடந்த தமிழீழத்துக்கு ஆள்தேடும் அவலம்.

நாடுகடந்த தமிழீழ அரசாங்கத்தை வலுப்படுத்த ஐந்து புதிய அரசவை உறுப்பினர்கள் பிரிட்டனில் தேர்வு.

தமிழீழப் போராட்ட வியாபாரத்துக்கு மூலதனம் தாலிக்கொடி!

2011-12-17T13:40:00.001+01:00

தமிழீழம் எனும் சொல்லை முதலீடாக்கி ஆங்காங்கே வியாபார உத்திகள் நடைபெற்று வருகின்றன, இதற்கு உதாரணமாக தமிழீழ விடுதலைப் புலிகளின் போராட்டம் முடிவுக்கு வந்த பின்னர் உதிரியாக மேலைத்தேய நாடுகளில் வாழ்ந்த விடுதலைப் புலிகளின் உறுப்பினர்கள் தமிழீழ விடுதலை போராட்டம் எனும் பெயரில் சேர்த்த நிதியினையும், சொத்துக்களையும் தன் வசப்படுத்த பலத்த பிரயத்தனங்களை மேற்கொண்டு வருகின்றனர், இதனாலேயே விடுதலைப் புலிகள் பல கூறுகளாகி ஆளுக்கு ஆள் துரோகியென்றும், மோசடிக்காரன் என்றும் பச்சோந்தியென்றும் சேறடிப்புக்களை நடாத்தி தமிழீழத்தின் பெயரால் சேர்த்த சொத்துக்களை தமக்கே உரிமையாக்கிக் கொள்கின்றனர்.

இதில் ஒரு பிரிவினரான நாடு கடந்த தமிழீழத்தவர்கள் நிதி வசூலிப்புக்காக தமிழீழ அடையாள அட்டை, தலைக்கு பத்து டொலர் எனப் பலவாறான முயற்சிகள மேற்கொண்ட போதிலும் அனைத்தும் தோல்வியில் முடிவடைந்ததால் இப்போது உள்ளக கட்டமைப்பில் இருந்து விளம்பர உத்திகளைத் தயாரித்து காட்சிக்கு விட்டுள்ளனர்.

நாடுகடந்த தமிழீழ அரசாங்கத்தின் உறவினர்களின் தாலிக் கொடிகளை மூலதனமாக வைத்து தமிழீழம் எனும் பெயரால் நடைபெறும் அனுதாப வியாபாரம் ஆரம்பிக்கப்பட்டுள்ளது, இதுவே கடந்த காலங்களிலும் முதலாம் கட்ட, இரண்டாம் கட்ட, மூன்றாம் கட்ட விடுதலைப் போராட்டம் என்றெல்லாம் கூறப்பட்டு தமிழ் மக்களிடம் அளவற்ற நிதிகளையும், தங்க நகைகளையும் பெற்று சொந்தச் சொத்தாக மாற்றியவர்களும் இவர்களே, இந்த சொத்துச் சேகரிப்பின் சுவராசியங்களை அண்மையில் பிரான்ஸ் நாட்டில் இருந்து ஒலிபரப்பாகும் தமிழ் வானொலியொன்று ஆதாரங்களுடன் ஒலிபரப்பியது.

வன்னிப் போரில் தமிழீழ விடுதலைப் புலிகளின் திட்டமிட்ட செயலால் அழிக்கப்பட்ட தமிழர்கள் போக அங்கே உயிர் தப்பிய எஞ்சிய சில தமிழர்களையும் அழித்து விடுவதற்கான நிதி சேகரிப்பு சில வியாபாரிகளால் மேலைத்தேய நாடுகளில் இப்போது ஆரம்பிக்கப்பட்டுள்ளது, பல கூறாகப் பிரிந்து தமிழினத்தின் பெயரால் சொத்துச் சேகரிக்க ஆரம்பித்துள்ள இவ் வியாபாரிகளை இனம்கண்டு அம்பலப்படுத்த வேண்டியது காலத்தின் கட்டாயமாகும்.

வானொலி ஒலிபரப்பு:
வன்னி மக்கள் பட்டினிச்சாவு - போருக்கு சேர்த்த பணம் எங்கே? - பாகம்.1
வன்னி மக்கள் பட்டினிச்சாவு - போருக்கு சேர்த்த பணம் எங்கே? - பாகம்.2

கற்றுக் கொண்ட பாடங்கள் மற்றும் நல்லிணக்க ஆணைக் குழுவின் அறிக்கை (இணைப்பு)

2011-12-16T20:00:00.000+01:00

ஶ்ரீ லங்கா பாராளுமன்ற சபை முதல்வரும், அமைச்சருமான நிமால் சிறிபால டி சில்வா இன்று 2011.12.16 ஆம் திகதி கற்றுக் கொண்ட பாடங்கள் மற்றும் நல்லிணக்க ஆணைக் குழுவின் 400 பக்க அறிக்கையை பாராளுமன்றத்தில் சமர்ப்பித்தார்.

இணைப்பு - அறிக்கையின் ஆங்கில பதிப்பு

'கலாபூஷணம்' விருது பெறும் தமிழ்க் கலைஞர்கள் பட்டியல்.

2011-12-16T13:07:00.001+01:00

இலங்கை கலாசார அலுவல்கள் திணைக்களம், இந்து சமய கலாசார அலுவல்கள் திணைக்களம் மற்றும் முஸ்லிம் சமய பண்பாட்டு அலுவல்கள் திணைக்களம் என்பனவற்றின் ஏற்பாட்டில் வருடாந்தம் கலைத்துறையில் சிறந்த பண்பாளர்களுக்கு 'கலாபூஷணம்' விருது வழங்கி கௌரவிக்கப்படுகின்றது.

எதிர்வரும் 2011 டிசம்பர் 17 ஆம் திகதி சனிக்கிழமை கொழும்பு - 7, ஆனந்த குமாரசாமி மாவத்தை, ஜோன் டி சில்வா ஞாபகார்த்த கலையரங்கில் இந்த ஆண்டுக்கான கலாபூஷணம் விருதினை 50 தமிழ்க் கலைஞர்கள் பெற்று கௌரவம் பெறுகின்றார்கள்.

'கலாபூஷணம்' விருது பெறும் கலைஞர்களுக்கு 'களத்துமேடு' வாழ்த்தினைப் பகிர்ந்து கொள்கின்றது.

அனைவரையும் கொள்ளை கொண்ட இணைய அரட்டை.

2011-12-15T12:14:00.001+01:00

தொலைத் தொடர்பில் இணையத் தளத் தொடர்பாடல் இன்றியமையாதது, உலகத்தையே உள்ளங்கையினுள் கொண்டு வருமாப் போல் கணினி முதற் கொண்டு செல்லிடத்பேசி வரை இயங்குதிறன் கொண்ட இணைய இணைப்பு சகலரையும் ஆட்கொண்டுள்ளது.

இந்த வரிசையில் பரிணமித்த செல்லிடப்பேசியின் குறுந்தகவல் பரிமாற்றத்தின் நீட்சியாக இணைய இணைப்புள்ள அரட்டை வசதியை இளையோர் முதல் முதியோர் வரை பயன்படுத்தி வருகின்றார்கள், இதனால் பல நன்மையான காரியங்கள் நடந்தேறினாலும் சில துஸ்பிரயோகங்களும் இவ் இணைய அரட்டையினால் ஆங்காங்கே நடந்தேறுகின்றன.

யாழ் மாநகரசபையில் மனுவல் மங்களநேசன் புரியும் அடாவடித்தனம்! - காணொளி

2011-12-14T20:49:00.000+01:00

யாழ் மாநகரசபையின் 2012 ஆம் ஆண்டுக்கான வரவு செலவுத் திட்டத்திற்கான ஆலோசனைக் கூட்டம் இன்று 2011.12.13 ஆம் திகதி புதன்கிழமை மாலை 3 மணிக்கு மாநகர முதல்வர் தலைமையில் மாநகர மாநாட்டு மண்டபத்தில் நடைபெற்றது. இந்த அமர்வின் போது மாநகரசபை உறுப்பினர் மனுவல் மங்களநேசன் அநாகரீகமாக நடந்து கொண்டார், ஏனைய உறுப்பினர்களால் ஒழுங்குப் பிரச்சனை கோரிய போதிலும் ஒலிவாங்கியினால் அவர்களைத் தாக்க எத்தனித்ததுடன் கைவீச்சுடன் கூடிய அடாவடித்தனம் புரிந்தார்.

ஈழ மக்கள் ஜனநாயகக் கட்சி உறுப்பினரான மங்களநேசன் ஒழுங்காற்று நடவடிக்கை மூலம் அக் கட்சியினால் கடந்த வாரம் தற்காலிகமாக இடைநிறுத்தப்பட்டவர் என்பது குறிப்பிடத்தக்கது.

மக்கள் ஆதரவின்றி பின் கதவால் உள்நுழைந்தவரே சுமந்திரன் - பாராளுமன்றில் ஶ்ரீரங்கா உரை! - காணொளி

2011-12-14T13:20:00.000+01:00

ஶ்ரீ லங்கா பாராளுமன்றத்தில் நேற்று 2011.12.13 ஆம் திகதி தகவல் ஊடகத்துறை அமைச்சு மீதான குழு நிலை விவாதம் இடம்பெற்ற போது உரையாற்றிய தமிழ் பாராளுமன்ற உறுப்பினர்களான ஐக்கிய தேசியக் கட்சிப் பாராளுமன்ற உறுப்பினர் ஶ்ரீரங்காவுக்கும் தமிழ்த் தேசியக் கூட்டமைப்பு நியமன பாராளுமன்ற உறுப்பினர் சுமந்தினனுக்கும் காரசாரமான வாய்த்தர்க்கம் ஏற்பட்டது.

ஶ்ரீ லங்கா பாராளுமன்ற உறுப்பினர்களுக்கும், அமைச்சர்களுக்கும் இடையிலான கிரிக்கெட் ஆட்டம் கடந்த வாரம் இடம்பெற்றது, இதில் கலந்து கொள்வது தொடர்பாக வாதப் பிரதிவாதங்கள் இடம்பெற்றன, தமிழ் மக்கள் இன்னலில் வாடும் போது கிரிக்கெட் ஆட்டம் தேவையற்றது என தமிழ்த் தேசியக் கூட்டமைப்பு பாராளுமன்ற உறுப்பினர் அரியநேந்திரன் குறிப்பிட்டு இருந்தும் அதே கட்சியில் பாராளுமன்ற உறுப்பினர் சுமந்திரன் கிரிக்கெட் ஆட்டத்தில் கலந்து சிறப்பித்த விடயம் தொடர்பாகவும், மற்றும் அவர் பாராளுமன்றத்துக்கு மக்களின் ஆதரவின்றி பின் கதவால் எப்படி வந்தார் எனவும் பாராளுமன்ற உறுப்பினர் ஶ்ரீரங்கா தனது பாராளுமன்ற உரையில் குறிப்பிட்டார்.

மேலதிக தேடலுக்கு :
தலைவருக்கு கண்ணாடியும் பைல் கவர்களையும் தூக்கிக் கொடுத்தவர் யார்?

பிரபாகரன்: ஓர் அவலத்தின் அடையாளம் – யோகா-ராஜன்

2011-12-13T10:53:00.000+01:00

“தன்னளவில் ஒடுக்குமுறையைக் கொண்டிருக்கும் ஒரு சமூகத்தின் விடுதலை என்பது மிகக் கடுமையானது“ அதாவது தன்னுள் வைத்திருக்கும் முழு வளங்களையும் சரிவரப் பயன்படுத்தும் பட்சத்தில்தான், ஒடுக்கு முறைக்குட்பட்டிருக்கும் ஒரு சிறுபான்பைச் சமூகத்தின் விடுதலை சாத்தியமாகும். ஆனால் பிரபாகரன் இச் சூத்திரத்தின் உள் அர்த்தத்தைப் புரிந்திருக்கவில்லை. புரிந்துகொள்ளத் தலைப்படவும் இல்லை. தன்னார்வத்துடன் இயங்கி வந்த பல சமூக அமைப்புக்களுக்கு தடைவிதித்தார். சன சமூக நிலையங்களைக் கூட தமது கட்டுப்பாட்டுக்குள் மட்டுமே இயங்க வைத்தார். முஸ்லிம்களை ஒடுக்கினார். சமூக ஒடுக்குமுறைகளுக்கு எதிரான சாதிய அமைப்புகக்களை இயங்க விடாமல் தடுத்தார். மற்றும் தமிழ்த் தேசியம் எனும் ஒரே நேர்கோட்டில் பயணித்த அனைத்து விடுதலை அமைப்புக்களுக்கும் சாவுமணியடித்தார்.

மேலதிக தேடலுக்கு: "பிரபாகரன்: ஓர் அவலத்தின் அடையாளம்“
நன்றி: தேசம் நெற்

கடந்த கால தவறுகள் இனியும் வேண்டாம், வாருங்கள்! - டக்ளஸ் தேவானந்தா பகிரங்க அழைப்பு

2011-12-12T14:00:00.004+01:00

தமிழ் பேசும் மக்களின் அரசியலுரிமை பிரச்சினைக்குத் தீர்வு காணும் சந்தர்ப்பங்கள் பலவும் கடந்த காலங்களில் கனிந்து வந்திருந்த போதும்,அவைகளை உரிய முறையில் பயன்படுத்தும் மதிநுட்ப சாணக்கிய தந்திரங்களை அவ்வப்போது பொறுப்பில் இருந்த சக தமிழ் தலைமைகள் கையாண்டிருக்கவில்லை.

கடந்த கால தவறுகளை உணர்ந்து சக தமிழ் தலைமைகள் இன்று கிடைத்திருக்கும் சந்தர்ப்பத்தையாவது தமிழ் பேசும் மக்களின் அரசியலுரிமை தீர்வுக்காக சரிவரப் பயன்படுத்த முன்வர வேண்டும் என ஈழ மக்கள் ஜனநாயக கட்சியின் செயலாளர் நாயகமும் அமைச்சருமான டக்ளஸ் தேவானந்தா அவர்கள் சக தமிழ் கட்சிகளை நோக்கி பகிரங்க அழைப்பு விடுத்துள்ளார்.

நாம் தோற்றுப் போனதொரு சமூகம் அல்ல. எம்மிடையே அவ்வப்போது பலம் பெற்றிருந்த சக தமிழ் தலைமைகளின் மதிநுட்பம் மறந்த நடை முறைக்கு ஒவ்வாத வழி முறைகளே தோற்றுப்போயுள்ளன. தமிழ் பேசும் மக்களின் அரசியல் அபிலாசைகளை அடைவதற்கான சந்தர்ப்பங்கள் ஒவ்வொன்றும் தவறவிடப்பட்ட போது, இங்கு மனித அவலங்களே நிகழ்ந்து முடிந்திருக்கின்றன.

எமது மக்கள் அழிவுகளை சந்திக்க வேண்டிய துயரங்களே நடந்து முடிந்தன. கடந்த கால இழப்புக்களையும் நாம் இழந்து போனவர்களின் கனவுகளையும் ஈடேற்ற வேண்டுமேயானால் இனி வரும் சந்தர்ப்பங்களையாவது சக தமிழ் தலைமைகள் சரிவரப்பயன்படுத்த முன்வரவேண்டும்.

எமக்கென்றொரு கனவு உண்டு! அது தமிழ் பேசும் மக்கள் சமவுரிமை பெற்ற சுதந்திர பிரஜைகளாக எமது வரலாற்று வாழ்விடங்களில் வாழும் சூழலை உருவாக்குவதேயாகும்.

எமது கனவுகளை அடைவதற்கு நாம் எங்கிருந்து தொடங்க வேண்டும் என்பது குறித்து சகல தமிழ் தலைமைகளும் யதார்த்த பூர்வமாக சிந்திக்க வேண்டும். வீரப்பேச்சுக்களும், வெறும் வார்த்தை ஜாலங்களும் எமது மக்களுக்கு ஏமாற்றங்களைத் தவிர வேறு எதையும் பெற்றுத்தராது. எதையும் நம்பிக்கையோடு கூர்ந்து அவதானித்து நாம் விவேகத்துடன் செயற்பட வேண்டும்.

இலங்கை இந்திய ஒப்பந்தம் ஒரு பொன்னான வாய்ப்பு. அதை அப்போது சந்தர்ப்பம் கிடைத்த இரு வேறு தரப்பினர்களில் ஒரு தரப்பினர் ஏற்றுக் கொண்டிருக்கவும் இல்லை. மறு தரப்பினர் அதனை சரிவரப் பயன்படுத்தவில்லை. அவ்வாறு நிகழ்ந்திருந்தால் அழிவுகள் பெருகியிருக்காது. மாறாக இன்று தமிழ் பேசும் மக்கள் நடை முறையில் சுயநிர்ணய உரிமையை அனுபவிக்க முடிந்திருக்கும்.

அதற்கு பின்னரான முன்னாள் ஜனாதிபதி பிரேமதாஸ அவர்களுடனான பேச்சுவார்த்தை முன்னாள் ஜனாதிபதி சந்திரிகா குமாரணதுங்க அவர்களுடனான பேச்சுவார்த்தை அதற்கு பின்னர் பிரதமராக இருந்த ரணில் விக்கிரமசிங்க அவர்களுடனான பேச்சுவார்த்தை இறுதியாக தற்போதைய ஜனாதிபதி மகிந்த ராஐபக்ஷ அவர்களுடான பேச்சுவார்த்தை என சகல சந்தர்ப்பங்களிலும் எமது தமிழ் தலைமைகள் விவேகத்துடன் செயற்பட்டிருக்கவில்லை.

இலங்கை இந்திய ஒப்பந்தத்திற்கு முந்திய வரலாற்றில் மாறி மாறி இந்த நாட்டில் ஆட்சிக்கு வந்திருந்த அரசுகளே தமிழ் மக்களின் அரசியலுரிமை தீர்வு குறித்து விருப்பமின்றி செயற்பட்டிருந்தன.

ஆனால் அதற்கு பிந்திய சூழலில் தமிழ் மக்களின் அரசியலுரிமை பிரச்சினைத் தீர்வு குறித்து சக தமிழ் தலைமைகளே பொறுப்புணர்ச்சியின்றி செயற்பட்டு வந்துள்ளன. பட்டுவேட்டி பற்றிய கனவில் இருந்து கட்டியுள்ள கோவணமும் களவாடப்படும் சூழ்நிலைக்கு இட்டுச்சென்றதுதான் மிச்சம்.

இதை நான் போட்டி அரசியலுக்காகவோ அன்றி சக தமிழ் தலைமைகளை குறை கூறுவதற்காகவோ சொல்லவில்லை. தவறுகளை சுட்டிக்காட்டுவதன் மூலம் எமது மக்களின் அரசியலுரிமை பிரச்சினைக்கு தீர்வு காண்பதற்கு சகல தமிழ் கட்சிகளும் கடந்த கால தவறுகளை திருத்திக் கொண்டு செயற்பட முன்வர வேண்டும் என்பதே எனது விருப்பம்.

இதில் ஈ.பி.டி.பி யினராகிய நாம் தவறு விட்டிருந்தாலும் அதை நியாயப்பூர்வமாக யாரும் சுட்டிக்காட்டினால் அதை ஏற்று திருந்தி நடக்கவும் தயாராக இருக்கின்றோம்.

தமிழ் பேசும் மக்களின் உரிமைப் போராட்டத்தின் ஆரம்பகால முன்னோடிகளில் நானும் ஒருவன் என்ற வகையிலும் எமது கட்சி உறுப்பினர்களும் அந்த போராட்டத்தில் இணைந்திருந்தவர்கள் என்ற வகையிலும் எமது நீதியான உரிமைப் போராட்டமானது சக தமிழ்த் தலைமையால் அழிவு யுத்தமாக மாற்றப்பட்டு எமது மக்களை வகை தொகையின்றி பலியெடுத்திருந்த நிகழ்வுகளுக்கு இட்டுச்சென்றிருந்தாலும் ஆரம்ப கால முன்னோடிகளில் நானும் ஒருவன் என்பதால் அந்த அழிவுகளுக்கான தார்மீக பொறுப்பை நானும் ஏற்றுக் கொள்கின்றேன்.

இலங்கை இந்திய ஒப்பந்தத்தை நாம் கொள்கையளவில் மட்டும் ஏற்றுக்கொண்டிருந்தவர்கள். அதன் நடைமுறைகளில் நாம் பங்கெடுப்பதற்கான ஜனநாயக உரிமை எமக்கு மறுக்கப்பட்டிருந்தாலும். அதற்கு பின்னரான மாறி வந்த அரசியல் சூழலில் ஆயுதப்போராட்டம் எமக்கு தேவையில்லை என்றும் அழிவு யுத்தம் எமது மக்களை கொன்று பலியாக்கும் என்றும் அரசியல் பேச்சுவார்த்தையின் ஊடாக எமது மக்களை சுதந்திர பிரஜைகளாக வாழ வைக்க முடியும் என்றும் நான் தொடர்ச்சியாக வலியுறுத்தி வந்திருக்கின்றேன்.

நாம் சொன்னவைகளே இங்கு நடந்து முடிந்திருக்கின்றன. இனி நடக்கப்போவதும் நாம் சொன்னவைகளே. கிடைத்த சந்தர்ப்பங்கள் யாவற்றையும் தாமே தவறவிட்டு சிங்களம் எமக்கு ஒரு போதும் தீர்வு வழங்காது என்ற ஏட்டிக்கு போட்டியான இனவாத சிந்தனைகளும்,

தீர்வை அடைவதற்கான எந்தவொரு நடைமுறை சார்ந்த வழிமுறையினையும் கொண்டிருக்காமல் உரிமை குறித்த வெற்றுக் கோசங்களை மட்டும் எழுப்புவதால் எந்தப்பயனும் இல்லை. நாம் எமது மக்களின் உரிமை குறித்து தொடர்ந்தும் வெறுமனே கோஷமிட்டுக் கொண்டிருக்கப் போகின்றோமா?... அல்லது, அடைய வேண்டிய எமது மக்களின் அரசியலுரிமையை மதிநுட்பத்தோடு அணுகி பெற்றுக் கொள்ளப் போகிறோமா?... இதை சகலரும் சிந்திக்க வேண்டும். அதற்காக எவரும் யாரிடமும் சரணாகதி அடையவேண்டும் என்று அர்த்தமல்ல.

அரச உயர் மட்ட பிரதிநிதிகளுடன் தமிழ்த் தேசியக் கூட்டமைப்பு பேசி வருவதை நாம் வரவேற்கின்றோம். நாமும் தொடர்ந்தும் பேசி வருகின்றோம், நாடாளுமன்ற தெரிவுக்குழுவின் ஆலோசனைகளையும் பெற்று இலங்கை இந்திய ஒப்பந்தத்தின் பிரகாரம் உருவாக்கப்பட்ட 13 வது திருத்தச்சட்டத்தை முழுமையாக நடைமுறைப்படுத்தி அதற்கு மேலதிக அதிகாரங்களை வழங்கி, மேலும் அதை வளர்த்தெடுப்பதற்கான அரசியல் தீர்வு முயற்சி இன்று தொடங்கியுள்ளது.

இது யுத்தத்திற்கு பிந்திய புதியதொரு முயற்சி. கடந்த கால தடைகள் இதற்கு இருக்காது. குறிப்பிட்ட கால எல்லையை நிர்ணயித்தே இந்த நாடாளுமன்ற தெரிவுக்குழு செயற்படவுள்ளது. நாடாளுமன்ற தெரிவுக்குழுவில் அங்கம் வகிக்கும் கட்சிகளில் பலவும் தத்தமது பிரதேசங்களில் மாகாணசபைகளில் பங்கெடுத்து வருகின்றன. ஆளும் கட்சி எதிர்க்கட்சிகள் என சகல தரப்பும் நாடாளுமன்ற தெரிவுக்குழுவில் பங்கெடுக்கின்றன. ஆகவே இந்த ஆலோசனைகளின் மூலம் கிடைக்கும் அரசியல் தீர்வானது பலமானதாக அமையும். எனவே கிடைத்திருக்கும் இந்த சந்தர்ப்பம் அரியதொரு வாய்ப்பாகும்.

ஆகவே சகல தமிழ் கட்சிகளும் ஒன்றுபட்டு ஒருவருக்கொருவர் அர்த்தமின்றி முரண்படாமல் நாடாளுமன்ற தெரிவுக்குழுவில் பங்கெடுப்பதன் மூலம் எமது மக்களுக்கான அரசியல் தீர்வு குறித்த விடயங்களை ஒரே குரலில் வலியுறுத்தி கூற வேண்டிய தருணம் இது, நாடாளுமன்றத்தில் அங்கம் வகிக்காத ஏனைய தமிழ் கட்சிகளும் நாடாளுமன்ற தெரிவுக்குழு முன்பாக தமது யோசனைகளை தெரிவிப்பதற்கான சந்தர்ப்பத்தையும் நாமே உருவாக்கி கொடுப்போம்.

எமது மதிநுட்ப சாணக்கிய சிந்தனைகளை பயன்படுத்தி நடை முறைச் சாத்தியமான இவ்வழிமுறையில் நாம் செயற்பட மறுப்போமேயானால் எமது மக்களுக்கான அரசியலுரிமைகளை அடைவதற்கான இன்னொரு சந்தர்ப்பத்தையும் நாம் இழந்தவர்கள் ஆகிவிடுவோம். ஆகவே கட்சி சார்ந்த கௌரவப்பிரச்சினைகளை கைவிட்டு மீண்டும் மீண்டும் எமது மக்களுக்கு வரலாற்றுத்துரோகம் இழைத்தவர்களாக இருந்து விடாமல் எமது மக்களின் கௌரவமான அரசியல் தீர்வை மட்டும் முதன்மைப்படுத்தி சகல தமிழ் கட்சிகளும் ஒன்றுபட்டு உழைக்க முன்வர வேண்டும்.

எனவே நம்பிக்கையுடனும் அக்கறையுடனும் உண்மைத்தன்மையுடனும் நாடாளுமன்ற தெரிவுக்குழுவில் அங்கம் வகிக்க தமிழ்த் தேசியக் கூட்டமைப்பு உட்பட அனைத்து தமிழ் கட்சிகளும் முன்வர வேண்டும்.

மேலதிக தேடலுக்கு: ஈபிடிபி நியூஸ்

விடுதலைப் புலிகளின் முன்னாள் போராளிகள் 46 பேர் விடுதலை. - காணொளி

2011-12-12T12:10:00.000+01:00

தமிழீழ விடுதலைப் புலிகளின் முன்னாள் உறுப்பினர்களான 46 பேர் புனர்வாழ்வு பெற்று நேற்று 2011.12.11 ஆம் திகதி யாழ்ப்பாணம் வீரசிங்கம் மண்டபத்தில் வைத்து உறவினர்களிடம் ஒப்படைக்கப்பட்டார்கள், முள்ளிவாய்க்கால் அவலத்தினைத் தொடர்ந்து ஶ்ரீ லங்கா படையினரால் கைதான அல்லது சரணடைந்த 11 ஆயிரம் பேருக்கும் அதிகமான விடுதலைப் புலிகள் உறுப்பினர்களுக்கும் புனர்வாழ்வு வழங்கப்பட்டு கட்டம் கட்டமாக விடுவிக்கப்பட்டு வருகின்றனர், புனர்வாழ்வுடன் கூடிய பயிற்சியினைப் பெற்றுவரும் எஞ்சியுள்ள 700 பேரும் 2012 ஆம் ஆண்டு விடுவிக்கப்படுவார்கள் என எதிர்பார்க்கப்படுகின்றது.

நேற்று இடம்பெற்ற இந்த நிகழ்வில் புனர்வாழ்வு மற்றும் சிறைச்சாலைகள் மறுசீரமைப்பு அமைச்சர் சந்திரசிறி கஜதீர, ஈபிடிபி பாராளுமன்ற உறுப்பினர்கள் எம்.சந்திரகுமார் மற்றும் உதயன் அலஸ்டின், அமைச்சின் செயலாளர் ஏ. திஸ்ஸநாயக்க, புனர்வாழ்வுகள் ஆணையாளர் மேஜர் ஜெனரல் சந்தன ராஜகுரு உள்ளிட்ட பலர் கலந்துகொண்டனர்.

கட்டண விளம்பர எச்சரிக்கையுடன் விடுதலைப் புலிகளின் குழு நிலை மோதல்.

2011-12-11T11:55:00.001+01:00

பல பிரிவுகளாக பிளவுபட்டுள்ள தமிழீழ விடுதலைப் புலிகளின் அணிகளுக்குள்ளே ஏற்பட்டுள்ள மோதல்களின் பிரதிபலிப்புகள் இப்போது கட்டணம் செலுத்திய ஊடக எச்சரிக்கை விளம்பரங்களாக பகிரங்கப்படுத்தப்பட்டு வருகின்றன.

தற்போது வியாபார நோக்குக்காகவே செயற்பட்டு வரும் தமிழீழ விடுதலைப் புலிகளின் புலம்பெயர் பிரிவினர் சொத்துக்களை எவ்வாறு கையகப்படுத்துவது தொடர்பாக தனித்தனியே ஆய்வுகளை மேற்கொண்டு வருகின்றனர், அதன் ஒரு கட்டமாகவே லண்டனில் ஏற்பாடாகி இருந்த கடந்த மாவீரர் தின நிகழ்வுக்கான மண்டப அனுமதி இன்னொரு குழுவினரால் தடுக்கப்பட்டது, பண வசூலிப்பு தொடர்பாக குழுக்களுக்கிடையே ஏற்பட்ட தகராறே இதற்கான காரணமென விடுதலைப் புலிகளின் ஆதரவாளர்கள் தெரிவிக்கின்றார்கள்.

பதிவு செய்யப்பட்ட மண்டபத்துக்கான விளம்பரத்தினை மேற்கொண்ட GTV தொலைக்காட்சி தவறிழைத்ததாக கூறப்பட்டே சி. சந்திர மௌலீசன் என்பவரால் இவ் விளம்பரம் மேற்கொள்ளப்பட்டுள்ளது.

மேலதிக தேடலுக்காக கட்டண விளம்பர அறிவித்தலைப் பார்க்கவும்.

காணாமல் போனோருக்காக நீலிக்கண்ணீர் வடிக்கும் சுரேஸ் பிரேமச்சந்திரன்.

2011-12-10T16:41:00.001+01:00

ஐக்கிய நாடுகள் சபையால் வருடாந்தம் டிசம்பர் 10 ஆம் திகதி அனுட்டிக்கப்படும் சர்வதேச மனித உரிமைகள் தினத்தினை முன்னிட்டு யாழ்ப்பாணத்தில் காணாமல் போனோரின் உறவினர்கள் நியாயம் கோரி ஆர்ப்பாட்டத்தில் ஈடுபட்டனர், இவ் ஆர்ப்பாட்டத்தில் ஈடுபட்டவர்கள் மீது ஶ்ரீ லங்கா படைத் தரப்பு தாக்குதல் நடாத்தியுள்ளது.

ஶ்ரீ லங்காவில் சர்வதேச மனித உரிமைகள் தினத்தில் மாத்திரமல்லாமல் தொடர்ச்சியாகவே மனித உரிமைகள் மீறப்படுவது சாதாரண விடயமாகும். அரசாங்கம் காணாமல் போனோர் விடயத்தில் அக்கறை கொண்டு தீர்வினைக் காண வேண்டும், அத்துடன் காணாமல் போவோர் பட்டியல் தொடராமல் முற்றுப் புள்ளி காண வேண்டியதும் அவசியமாகும்.

2009 ஆம் ஆண்டு முடிவுக்கு வந்த தமிழீழ விடுதலைப் புலிகளின் ஆயுதப் போராட்டத்தினைத் தொடர்ந்து இராணுவத்தினரிடம் சரணடைந்த பல பொது மக்களும், போராளிகளும் பலத்த சிரமத்தின் மத்தியில் விடுவிக்கப்பட்டு வருகின்றனர், சிலரைப் பற்றிய தகவல்கள் காணாமல் போனோர் பட்டியலில் இணைக்கக் கூடிய நிலையை எட்டியுள்ளது.

ஆயுத ஈழ விடுதலைப் போராட்டம் ஆரம்பிக்கப்பட்ட காலத்தில் இருந்து ஈழப் போராட்ட அமைப்புக்களாலேயே அதிகமானோர் காணாமல் போனார்கள், அதிலும் குறிப்பாக தமிழீழ் விடுதலைப் புலிகளாலேயே அதிகமான பொதுமக்களும் மாற்றுக் கருத்துக் கொண்டோரும் கடத்தப்பட்டு, அல்லது கைது செய்யப்பட்டு கொண்டு செல்லப்பட்டுக் காணாமல் போனார்கள்.

பாராளுமன்றத்தில் நேற்று வெள்ளிக்கிழமை (2011.12.09) நடைபெற்ற நீதி, புனர்வாழ்வு சிறைச்சாலைகள் மற்றும் மறுசீரமைப்புகள் அமைச்சுக்கள் மீதான குழுநிலை விவாதத்தில் கலந்து கொண்டு உரையாற்றிய தமிழ்த் தேசியக் கூட்டமைப்பின் பாராளுமன்ற உறுப்பினர் சுரேஸ் பிரேமச்சந்திரன், இராணுவத்தினரிடம் சரணடைந்த தமிழீழ விடுதலைப் புலிகளின் முக்கியஸ்தர்களான பாலகுமாரன் மற்றும் எழிலன் போன்றவர்கள்

இருக்கின்றனரா? இல்லையா? எனும் வினாவைத் தொடுத்தார்.

திருகோணமலையில் விவசாயிகளுக்குரிய நீர் வழங்கல் செய்யும் மாவிலாற்றின் அணைக் கதவினைப் பூட்டி சிங்கள விவசாயிகளுக்குச் செல்லும் தண்ணீரினைத் தடுத்ததன் மூலம் தமிழீழ விடுதலைப் புலிகளின் அழிவுக்கு வித்திட்டவர் எழிலன் என்றால் அதில் மிகையில்லை, எழிலலின் தூர நோக்குப் பார்வை இன்மையால் பல்லாயிரக்கணக்கான அப்பாவித் தமிழ் மக்கள் இந்தப் போரில் பலியெடுக்கப்பட்டார்கள்.

இந்திய அமைதி காக்கும் படைக்குப் பக்க பலமாக இருந்த சுரேஸ் பிரேமச்சந்திரன் அங்கம் வகித்த ஈழ மக்கள் புரட்சிகர விடுதலை முன்னணியினரே "மண்டையன் குழு" எனும் பெயரில் விடுதலைப் புலிகளையும் அவர்களின் ஆதரவாளர்களையும் கைது செய்து காணாமற் போக வைத்தவர்கள் ஆகும், இவர்களின் கதி என்னவென்று இன்றும் உறவினர்கட்குத் தெரியாமல் இருப்பதனை இவர் அறியவில்லை போலும்.

சுரேஸ் பிரேமச்சந்திரன் சார்ந்துள்ள ஈழ மக்கள் புரட்சிகர விடுதலை முன்னணியினைச் சேர்ந்த பல உறுப்பினர்கள் தமிழீழ விடுதலைப் புலிகளினால் கைதாகி கொண்டு செல்லப்பட்டார்கள், ஆனால் அவர்கள் இன்று வரை உயிருடன் இருக்கிறார்களா இல்லையா என அவர்களின் உறவினர்களுக்கே தெரியாத நிலையே தொடர்ந்துள்ளது, பாராளுமன்ற ஆசனத்துக்காக தமிழீழ விடுதலைப் புலிகளுடன் ஒட்டிக் கொண்ட சுரேஸ் பிரேமச்சந்திரன் விடுதலைப் புலிகளினால் கைது செய்யப்பட்டுக் கொண்டு செல்லப்பட்ட தனது அமைப்பு சார்ந்த தோழர்களுக்கு என்ன நடந்தது எனக் கேட்கத் திராணியற்று மௌனித்து விடுதலைப் புலிகளுக்கு அடிவருடியானார், இப்படியானவர் இன்று விடுதலைப் புலிகளின் உறுப்பினர்களுக்கான தேடலுக்கு முன்னுரிமை கொடுத்து நீலிக்கண்ணீர் வடிப்பது நகைப்புக்கிடமானது.

ஆடு நனையுதென்று ஓநாய் அழுதது.

யாழ்ப்பாணத்தில் சொந்தத்தைத் தொலைத்தவர்கள் நடத்திய ஆர்ப்பாட்டம்:

97 இலட்சம் சதுரமைல் பரப்புக்கு ஓசோன் படலத்தில் ஓட்டை

2011-12-10T12:42:00.001+01:00

97 இலட்சம் சதுர மைல் பரப்புக்கு ஓசோன் படலத்தில் ஓட்டை ஏற்பட்டிருப்பது செயற்கைக் கோள்களினால் பிடிக்கப்பட்ட படங்களின் மூலம் தெரியவந்துள்ளது. காடுகள் அழிக்கப்படுவதாலும் நிலம், நீர், காற்று ஆகிய மூன்றும் வேகமாக மாசமடைந்து வருவதனாலும் ஓசோன் படலத்தில் ஓட்டை ஏற்பட்டு வருகிறது.

இந்நிலையில் கடந்த செப்டெம்பர் நடுப்பகுதியில் செயற்கைக் கோள்களின் மூலம் ஓசோன் படலத்தில் ஏற்பட்டுள்ள ஓட்டை படம்பிடிக்கப்பட்டு அளக்கப்பட்டது. இன்றைய வட அமெரிக்காக் கண்டத்தின் பரப்பளவுக்குச் சமமான அளவுக்கு ஓசோன் படலத்தில் ஓட்டை ஏற்பட்டுள்ளது.

அந்தாட்டிக்கா துருவப்பகுதியில் ஓசோன் படலத்தில் ஓட்டை ஏற்பட்டிருக்கிறது என்பதை 1970 களில் செயற்கைக் கோள்கள் தான் முதன் முறையாகக் கண்டுபிடித்தன. ஆனால், அது குறித்து கவலைப்பட்டும் எச்சரித்தும் பேசிய உலகின் முன்னேறிய நாடுகள் அனைத்துமே ஓசோன் படலம் ஓட்டை விழாமல் காப்பதற்கான நடவடிக்கைகளில் உளப்பூர்வமாக ஈடுபடவில்லை என்பதே உண்மை. இதனால் 1980 களிலும் 1990 களிலும் இந்த ஓட்டை பெரிதாகிக்கொண்டே வந்துள்ளது.

இந்நிலையில் ஆர்டிக் கடல் பகுதியில் புவிக்கு மேலே உள்ள வளி மண்டலத்தின் கடுமையான குளிர்ச்சி ஏற்பட்டது. அதன் பிறகு ஓசோன் படலத்தைக் கரையவைக்கும் இரசாயனங்கள் உயிர்ப்படைந்து ஓட்டையைப் பெரிதாக்கின. புவிக்கு மேலே உள்ள பகுதியில் வேண்டுமானால் ஓசோன் என்பது மாசுப்படலமாக இருக்கலாம். ஆனால், விண்வெளியிலிருந்து புவியை நோக்கி வரும் பாதகமான புறஊதாக் கதிர்களைத் தடுத்து அப்படியே திருப்பி அனுப்பும் கேடயமாக அது செயல்படுகிறது.

குளோராஃபுளோரா கார்பன்கள்தான் ஓசோன் படலத்தைத் துளைக்கின்றன என்பதால் அவற்றுக்கு இப்போது தடை விதிக்கப்பட்டிருக்கிறது. இதனால் ஓரளவுக்கு ஓசோன் படலம் மீட்சி பெற்று வருகிறது. அப்படியும் மிக மெதுவாக இந்தச் சிதைவு தொடர்கிறது. இந்நிலையில் முதல் முறையாக இந்த ஆண்டு ஆர்டிக் கடல் பரப்பிலும் ஓசோன் படலத்தில் துளை ஏற்பட்டிருப்பதை விஞ்ஞானிகள் கண்டுபிடித்துள்ளனர். இந்த ஆய்வு தொடர்கிறது.

இம் மாதம் 27 ஆம் திகதி நாசாவின் மற்றொரு செயற்கைக்கோள் ஓசோன் படலத்தில் ஏற்பட்டுள்ள சிதைவின் தன்மையை வெகு நெருக்கமாகச் சென்று படம்பிடித்து ஆய்வு செய்யவுள்ளமை குறிப்பிடத்தக்கது.

நன்றி: தினக்குரல்

விடுதலைப் புலிகளின் தலைமைச் செயலக உறுப்பினரின் காமலீலை ஒலிப்பதிவுடன் அம்பலம்!

2011-12-09T12:10:00.001+01:00

ஶ்ரீ லங்கா அரசினால் முன்னெடுக்கப்பட்ட தமிழீழ விடுதலைப் புலிகளுக்கான யுத்தம் 2009 மே மாதத்துடன் முடிவுக்கு வந்ததைத் தொடர்ந்து விடுதலைப் புலிகளின் ஆயுதப் போராட்ட தலைமைகள் அழிக்கப்பட, கைதானோர் சிறைச்சாலைகளிலும், புனர்வாழ்வு பெற்றோர் விடுதலையாகி பொது வாழ்க்கையிலும் ஈடுபட்டு வருகின்றனர், இதற்கு விதிவிலக்காக எஞ்சியோர் சிலர் பல குழுக்களாகப் பிரிந்து மேற்கத்திய நாடுகளில் தமிழீழ விடுதலைப் போராட்டத்துக்கு புத்துயிர் கொடுக்கவுள்ளதாகக் கூறி நிதி வசூலிப்பில் ஈடுபட்டு வருகின்றனர்.

பண வசூலிப்புடன் நின்றுவிடாது, தமிழீழ ஆதரவாளர்கள் மீது காமலீலைகளையும் புரிவதாக இணையத் தளச் செய்திகள் கூறுகின்றன, "உலக்கை தேய்ந்து உளிப் பிடியான கதை போல" தமிழீழ விடுதலைப் போராட்டம் சுருங்கி காமப் போராட்டம் சர்வதேச ரீதியில் விடுதலைப் புலிகளால் முன்னெடுக்கப்பட்டுள்ளதாக அறிய முடிகின்றது.

அனைத்துலக தொடர்பகம் மற்றும் தலைமைச் செயலகம் என இரு பிரிவுகளாக செயற்படும் மேலைத்தேய தமிழீழ விடுதலைப் புலிகளில் ஒன்றான தலைமைச் செயலகத்தின் கொள்கைப் பரப்பாளர் மயூரன் என்பவர் மலேசிய நாட்டு தமிழீழ ஆதரவாளரான தமிழ் யுவதி ஒருவருடன் ஏற்படுத்திக் கொண்ட தொடர்பாடல் தொடர்பான ஒலிப்பதிவுகளும், படங்களும் இணையத் தளத்தில் பதிவாகியுள்ளன.

தனது முதுகில் விடுதலைப் புலிகளின் சின்னத்தை பச்சை குத்தியுள்ள பாதிக்கப்பட்ட மலேசிய யுவதியின் வாக்குமூலம் கீழே இணைக்கப்பட்டுள்ளது,

மேலதிக தேடலுக்கு : இலங்கைநெற்

போதிதர்மன் தமிழனா? - காணொளி

2011-12-08T16:23:00.001+01:00

அண்மையில் வெளிவந்த "7 ஆம் அறிவு" திரைப்படத்தின் மூலம் தமிழன் என வர்ணிக்கப்படும் "போதிதர்மன் தமிழனா? " எனும் வினாவுக்கு விடையளிக்கக் கூடிய விதத்தில் கடந்த 2011.11.26 ஆம் திகதி தமிழக பெரியார் திடலில் இடம்பெற்ற சமூகநீதி காவலர் மாவீரர் வி.பி.சிங் நினைவு நாள் கருத்தரங்கத்தில் பேராசிரியர் கருணானந்தம் உரையாற்றினார். பல்லவர்கள் தமிழர்கள் அல்ல, இந்த திரைப்படத்தின் மூலம் சில திரிபுகள் ஏற்பட்டுள்ளதாக பேராசிரியர் கருணானந்தம் வெளிப்படுத்தியுள்ளார்.

வன்னி மக்கள் பட்டினிச்சாவு - போருக்கு சேர்த்த பணம் எங்கே? - ஒலி இணைப்பு

2011-12-06T22:20:00.001+01:00

வன்னியில் ஶ்ரீ லங்கா அரச படையினருக்கும் தமிழீழ விடுதலைப் புலிகளுக்கும் உக்கிர மோதல் இடம்பெற்ற வேளையில் தமிழீழ விடுதலைப் புலிகளைப் பாதுகாப்பதற்காக புலம்பெயர் நாடுகளில் தமிழர்கள் பலத்த பிரயத்தனங்களைச் செய்து வந்தார்கள், அந்தந்த நாட்டு அரசாங்கங்களை விடுதலைப் புலிகளின் பக்கத்துக்கு திரும்பிப் பார்க்கக் கூடியதாகவும், அத்துடன் அந் நாட்டு மக்களின் அனுதாபத்தை பெறவும் போராட்டங்களை தமிழீழ விடுதலை புலிகள் விரிவுபடுத்தி இருந்ததுடன் தமிழர்களிடம் பண வசூலிப்பையும் மேற்கொண்டனர்.

இந்தக் காலத்தில் வன்னிப் பெருநிலப் பரப்பில் ஶ்ரீ லங்கா படைகளின் அதிகாரம் இறுகிக் கொண்டிருந்ததால் தமிழீழ விடுதலைப் புலிகள் தங்களுக்கு அணையாகக் கொண்டு சென்ற அப்பாவி மக்களை யுத்தத்துக்குப் பலியாக்கினர், அப்பாவிப் பொது மக்கள் பலர் விழுப்புண்ணடைய, உணவின்றி பட்டினிச் சாவையும் எதிர் நோக்கினர், வன்னியில் மக்கள் படும் அவஸ்தைகளை உலக்குக்குக் காட்டி அதில் அனுதாபத்துடன் கூடிய ஆதரவையும் பண வசூலிப்பையும் மேற்கொண்ட தமிழீழ விடுதலைப் புலிகள் கிடைத்த பணத்தை யுத்த நெருக்குவாரத்துக்குள் சிக்கிய மக்களுக்கு கொடுக்காமல் மாறாக தங்களது கஜனாக்களை நிரப்பிக் கொண்டனர், அதற்கு ஏற்றாற் போல் தமிழீழ விடுதலைப் புலிகளின் போராட்டமும் முடிவுக்கு வந்ததாக அறிவிக்கப்பட்டது.

தமிழீழ விடுதலை புலிகளின் தலைமைத்துவம் அழிக்கப்பட்டதாக ஶ்ரீ லங்கா அரசாங்கத்தினால் அறிவிக்கப்பட்ட பின்னர் மேற்கத்திய நாடுகளில் அதிகாரம் செலுத்திய தமிழீழ விடுதலைப் புலிகள் பல பிரிவுகளாகப் பிரிந்து மோதிக் கொண்டதுடன் தமிழீழ விடுதலைப் புலிகளுக்குச் சொந்தமான சொத்துக்களை கையகப்படுத்திக் கொண்டனர்.

தமிழீழத்துக்கென வசூலிக்கப்பட்ட பணமும் உடமைகளும் விடுதலைப் புலிகளின் பெரும்புள்ளிகளாகக் காட்டிக் கொண்டோரால் முடக்கப்பட்டு சொந்தப் பெயரில் முதலீடு செய்யப்பட்டுக் கொண்டிருக்க, வன்னியில் யுத்தம் முடிவுற்று மக்கள் பட்டினியால் நொந்து கொண்டிருந்தார்கள், பல போராளிக் குடும்பங்கள் உறவுகளை இழந்து நிர்க்கதியாகி உள்ளனர், இதனால் சேர்க்கப்பட்ட பணம் எங்கே என மக்கள் கேள்வி கேட்க ஆரம்பித்து விட்டார்கள்.

இதன் ஓரங்கமாக தமிழீழ விடுதலைப் புலிகளின் ஊடகமாக பிரான்ஸ் நாட்டில் இருந்து ஒலிபரப்பாகும் "ரி.ஆர்.ரி தமிழ் ஒலி" வானொலி வன்னி மக்கள் பட்டினிச்சாவு- போருக்கு சேர்த்த பணம் எங்கே? எனும் வினாவுடன் கடந்த 2011.12.01 ஆம் 04 திகதிகளில் வானலை ஊடான நிகழ்ச்சியை நடாத்தினர்.

காலம் கடந்தாவது ஞானோதயம் பெற்ற "ரி.ஆர்.ரி தமிழ் ஒலி"யை முன் உதாரணமாகக் கொண்டு தமிழீழ விடுதலைப் புலிகளுக்கு நியாயம் கற்பிக்கும் ஏனைய ஊடகங்களும், அமைப்புக்களும் முன் வர வேண்டும்.

நன்றி: ரி.ஆர்.ரி தமிழ் ஒலி:
(ஒலி இணைப்பைக் கேட்க அழுத்தவும்)
வன்னி மக்கள் பட்டினிச்சாவு - போருக்கு சேர்த்த பணம் எங்கே? - பாகம்.1

வன்னி மக்கள் பட்டினிச்சாவு - போருக்கு சேர்த்த பணம் எங்கே? - பாகம்.2

ஶ்ரீ லங்கா பாராளுமன்றில் ஏற்பட்ட கைகலப்பும், தடைப்பட்ட வரவுசெலவுத் திட்ட உரையும்! - காணொளி

2011-12-06T14:04:00.001+01:00

ஶ்ரீ லங்கா பாராளுமன்றத்தில் கடந்த 2011.12.21 ஆம் திகதி ஜனாதிபதி மகிந்த ராஜபக்ஷ 2012 ஆம் ஆண்டுக்கான வரவு செலவுத் திட்ட நிகழ்வில் உரையாற்றிக் கொண்டிருந்த போது எதிர்க் கட்சியினர் சுலோக அட்டைகளைத் தாங்கி எதிர்ப்பு நடவடிக்கையில் ஈடுபட்டதால் அச் சுலோக அட்டைகளை ஆளும் தரப்பினர் பறிக்க முற்பட்ட போது சபையில் கைகலப்பு ஏற்பட்டது.

இக் கைகலப்பில் புத்தகங்கள் மற்றும் தண்ணீர்ப் போத்தல் வீச்சுக்களும் இடம்பெற்றன, இதனைத் தொடர்ந்து எதிர்க்கட்சித் தலைவர் ரணில் விக்ரமசிங்க மற்றும் ஐக்கிய தேசியக் கட்சி பாராளுமன்ற உறுப்பினர்கள் வெளிநடப்புச் செய்தனர். இதனால் ஜனாதிபதியில் வரவு செலவுத் திட்ட உரை 10 நிமிடங்கள் தடைப்பட்டது.

பாராளுமன்ற வரவு செலவுத் திட்ட உரையை ஜனாதிபதி மகிந்த ராஜபக்க்ஷ நிகழ்த்திக் கொண்டிருந்த வேளையில் கைகலப்புடன் கூடிய சர்ச்சை ஏற்பட்டதால் காணொளியின் ஒலி பாராளுமன்றத்தால் நிறுத்தப்பட்டுள்ளது.

மேலதிக தேடலுக்கு:

1.தமிழ் மிரர்

2. Gossip Lanka News

கூட்டமைப்பு சம்பந்தனின் காணி அபகரிப்பினால் பாராளுமன்றில் சலசலப்பு !

2011-12-04T18:35:00.001+01:00

வடக்கு, கிழக்கில் காணி சுவீகரிப்பு, பெரும்பான்மையினக் குடியேற்றங்கள், தமிழ்க் கலாசாரங்களை சீரழிக்கும் நடவடிக்கைகள் தமிழின விகிதாசாரத்தை பாதிக்கும் நிகழ்வுகள் மற்றும் இன சுத்திகரிப்புகள் இடம்பெறுமாயின் மீள் இணக்கமோ, இனங்கள் இணைந்து வாழவோ, நல்லிணக்கத்தை ஏற்படுத்தவோ முடியாது எனக் கூறிவரும் தமிழ் தேசியக் கூட்டமைப்பின் தலைவரும் பாராளுமன்ற உறுப்பினருமான இரா. சம்பந்தன் திருகோணமலையில் மக்களின் காணிகளைச் போலிப் பத்திரங்களைக் கொண்டு அபகரிப்புச் செய்துள்ளதாக செய்திகள் கூறுகின்றன.

கடந்த 2011.11.30 ஆம் திகதி பாராளுமன்றத்தில் வரவு செலவுத் திட்ட இரண்டாம் வாசிப்பு மீதான விவாதத்தில் கலந்து கொண்டு உரையாற்றிய அமைச்சர் டக்ளஸ் தேவானந்தா திருகோணமலையில் தமிழ்த் தேசியக் கூட்டமைப்புத் தலைவரும் பாராளுமன்ற உறுப்பினருமான சம்பந்தனால் அபகரிக்கப்பட்ட காணிகள் தொடர்பாக இணையத் தளத்தில் வெளிவந்துள்ள திடுக்கிடும் செய்தி தொடர்பாக தெரியப்படுத்தினார்.

கடந்த 1981 ஆம் ஆண்டு மரணித்த ஜனாப் ரசூல் என்பவருக்குச் சொந்தமான திருகோணமலை நகருக்கு அருகிலுள்ள லிங்கநகர் கிராமத்திலுள்ள ஆறு ஏக்கர் பரப்புள்ள காணியை உரிமம் கோர எவரும் இல்லாததாலும் தொடர்ந்து 1983 ஆம் ஆண்டு ஏற்பட்ட வன்செயலான பயங்கரவாத சூழலினாலும் அந்தப் பகுதி மக்கள் எல்லோரும் வேறு இடங்களுக்கு இடம்பெயர்ந்து செல்ல அந்தப் பகுதிகளை சிங்கள பெரும்பான்மை மக்கள் ஆக்கிரமித்துக் கொண்டனர்.

2000 ஆம் ஆண்டு தமிழீழ விடுதலைப் புலிகளும் ஜனாதிபதி சந்திரிகா குமாரணதுங்க தலைமையிலான அரசாங்கமும் செய்து கொண மோதல் தவிர்ப்பு ஒப்பந்ததைத் தொடர்ந்து நல்ல சூழல் நிலவியதால் தமிழர்கள் லிங்கநகரில் மீள் குடியேற ஆரம்பித்தனர், இதனால் இந்தப் பகுதியில் வாழ முடியாதென உணர்ந்த சிங்களவர்கள் ரசூலுக்குச் சொந்தமான காணியை தங்களுடையதாகக் காட்டி தமிழர்களுக்கு விற்பனை செய்து விட்டார்கள். லிங்கநகரை அண்மித்த மூதூர், கட்டப்பறிச்சான், ஈச்சலம்பத்தை, சம்பூர் போன்ற பகுதிகளில் வாழ்ந்த 56 தமிழர்கள் மேற்படி 6 ஏக்கர் காணியினையும் கொள்வனவு செய்து வீடு கட்டி வாழ்ந்து வருகின்றனர்.

இந்த ஆறு ஏக்கர் காணியினது அதிகாரங்கள் அனைத்தும் சம்பந்தனிடம் இருப்பதாகவும் ஒவ்வொரு பேர்ச் காணிக்கும் 25 000 ரூபாய் வீதமாக அக் காணியில் வசிக்கும் 56 குடும்பங்களும் பணம் தர வேண்டுமென சம்பந்தன் கேட்டுள்ளதாக பாதிக்கப்பட்ட மக்கள் கூறுகின்றனர். ரசூலுக்குச் சொந்தமான காணியினை போலி ஆதாரங்களைக் காட்டி தனதாக்கிக் கொண்ட சம்பந்தன் பேர்ச் 25 000 ரூபாய் வீதமாக 2 கோடி 40 இலட்சம் ரூபா பணத்தினை இந்தப் பகுதி மக்களிடம் பெற பகீரத முயற்சியில் ஈடுபட்டுள்ளதாக அறிய முடிகின்றது.

இதேபோன்று ஈழ மக்கள் புரட்சிகர விடுதலை முன்னணியில் செயலாளர் நாயகம் க.பத்மநாபாவின் மனைவி திருமதி ஆனந்தி பத்மநாபாவுக்குச் சொந்தமான மட்டக்களப்பு வாவிக்கரை வீதியில் அமைந்துள்ள வீட்டுடன் கூடிய காணியினை பத்மநாபாவின் மறைவினையடுத்து தமிழ்த் தேசியக் கூட்டமைப்பின் பாராளுமன்ற உறுப்பினரான சுரேஸ் பிரேமச்சந்திரன் திருமதி ஆனந்தி பத்மநாபாவினைப் போன்று போலிக் கையெடுத்திட்டு தன்வசப்படுத்தியுள்ளார் என ஈழ மக்கள் புரட்சிகர விடுதலை முன்னணியில் உள்ளக தகவல்கள் கூறுகின்றன.

சம்பந்தனின் போலிக் காணி ஆக்கிரமிப்பினால் பாதிக்கப்பட்ட லிங்கநகர் மக்கள் விபரம்:
(01) அருட்பிரகாசம் – ஜமுனா,
(02) சிவபாதம் – சுமதி,
(03) பொன்னம்பலம் – மல்லிகா,
(04) குருகுலசிங்கம் – மகாலெட்சுமி,
(05) சிவலிங்கம் – செல்லநாச்சியார்,
(06) செல்லத்தம்பி – துளசிமணி,
(07) கணகசிங்கம் – உதயராணி,
(08) பற்றீக் – ஸ்ரெலர்,
(09) பேரின்பராசா – ராசகுலசிங்கம்,
(10) தேவலிங்கம் – நீத்தா,
(11) தேவலிங்கம் – தேவவதனா,
(12) கந்தையா – சண்முகநாதன்,
(13) இராசதுரை – வணசா,
(14) இராசையா – தட்சணாமூர்த்தி,
(15) செல்வநாயகம் – அருள்கிருபாகரன்,
(16) செல்வநையினார் – இராதாமோகன்,
(17) தயாபரன் – வனிதா,
(18) உதயகுமார் – அன்னலட்சுமி,
(19) ஜெயானந்தன் – ஜெசிகா,
(20) மகேஸ்வரன் – தேவசீலி,
(21) சந்திரமோகன் – தேவமனோகரி,
(22) சூசைப்பிள்ளை – ஜோதிமலர்,
(23) ரஞ்சன் – கோமளாதேவி,
(24) நாகராசா – நவரெத்தினம்,
(25) முத்துராசா – ஃப்பிரியா,
(26) ரட்ணராசா – வேணுகுமாரி,
(27) சுகுணசேகரம் – குமாரதாஸ்,
(28) விபுணசேகரனம் – அருள்மணி,
(29) சுந்தரலிங்கம் – வித்தியா,
(30) தேவலிங்கம் – தேவகாஞ்சனா,
(31) நகுலேஸ்வரன்,
(32) விசாகரெத்தினம் – ஃநிவாசன்,
(33) ஞானநேகரம் – லிரோஜிதா,
(34) பேச்சுமுத்து – இராமநாதன்,
(35) சந்திரகுமாரன் – நந்தகுமாரன்,
(36) இராமநாதன் – குணரெத்தினம்,
(37) சுவேந்திரலிங்கம் – சரோஜாதேவி,
(38) இருதயநாதன் – வள்ளியம்மை,
(39) ஆறுமுகம் – இராஜசுந்தரம்,
(40) இராமச்சந்திரன் – உதயகுமார்,
(41) நடராசா,
(42) N. திருச்செல்வம்,
(43) மாதவன்,
(44) சந்திரலிங்கம் – பரிமளாதேவி,
(45) ஜெயவீரசிங்கம் – சூரியபிரகாஸ்,
(46) விஜயகுமார் – வேதநாயகம்,
(47) வைரமுத்து – நாகராசா,
(48) செளந்தரிப்பிள்ளை – நாகராசா,
(49) பாலச்சந்திரன் – ரஞ்சனி,
(50) சுசிகரன் தாத்தயசீலி,
51) மரியநாயகம் – ஜெராட்தனிநாயகம்,
(52) செபமாலை – பீலிக்ஸ் செல்வராசா,
(53) கேசவன் – தங்கத்துரை,
(54) மோகன் – விஜயா,
(55) கு. நாகேஸ்வரி,
(56) சிவபுண்ணியம் – லிங்காரெத்தினம் – ஜோதிமகாலெட்சுமி

தொடர்புபட்ட செய்திகள்:
1. இலங்கைநெட் 2011.10.19
2. வீரகேசரி 2011.10.22

குமரன் பத்மநாதனுக்கு சர்வதேச பிடிவிறாந்து.

2011-12-03T12:48:00.001+01:00

இலங்கையில் யுத்தத்தை முடிவுக்கு கொண்டு வருவதற்காக ஶ்ரீ லங்கா அரசாங்கத்துக்கு ஒத்துழைப்பு வழங்கிய தமிழீழ விடுதலைப் புலிகளின் சர்வதேச ஆயுத முகவரான குமரன் பத்மநாதன் எனப்படும் செல்வராசா பத்மநாதனை கைது செய்வதற்காக சர்வதேச பிடிவிறாந்து பிறப்பிக்கப்பட்டுள்ளது.

ஆயுதக் கடத்தல் மற்றும் பயங்கரவாத நடவடிக்கையில் ஈடுபட்டதற்காக குமரன் பத்மநாதன் மீது குற்றம் சுமத்தப்பட்டுள்ளது, 2009 ஆம் ஆண்டு மலேசியாவில் வைத்து ஶ்ரீ லங்கா புலனாய்வாளர்களால் கைது செய்யப்பட்டு விசாரணைக்கென ஶ்ரீ லங்கா கொண்டு வரப்பட்டு மகிந்த ராஜபக்ஷ அரசாங்கத்தினால் செல்லப் பிள்ளையாக பராமரிக்கப்பட்டு வருகின்றார்.

இன்ரர்போலினால் பிறப்பிக்கப்பட்ட பிடிவிறாந்தின் பிரதியுடன் கூடிய குமரன் பத்மநாதன் பற்றிய தகவல்களை 2011.12.01 ஆம் திகதி பாராளுமன்றத்தில் வரவு செலவுத் திட்ட இரண்டாம் நிலை விவாதத்தில் உரையாற்றிய போது ஐக்கிய தேசியக் கட்சியின் பாராளுமன்ற உறுப்பினர் டாக்டர் ஜெயலத் ஜயவர்தன சமர்ப்பித்தார் என்பது குறிப்பிடத்தக்கது.

மேலதிக தகவலுக்கு:
1. தமிழ் மிரர்
2. ஒன்லங்கா நியூஸ்

தனூஸுக்கு ஏன் இந்த கொலைவெறி! - காணொளி

2011-11-23T17:02:00.001+01:00

அகத்தியர், தொல்காப்பியர், திருவள்ளுவர், ஔவையார், இளங்கோ அடிகள் போன்ற பற்பல விற்பன்னர்கள் தமிழைச் செம்மைப்படுத்த அரும்பாடுபட்டு உழைத்தார்கள், அவர்களின் நிகரற்ற சேவையினாலேயே இன்று தமிழ்மொழி செம்மொழியாகத் திகழ்கின்றது. ஆங்கில மோகத்தில் சிக்கியுள்ள எமது இளம் தலைமுறையினர் எதிர்காலத்தில் தமிழை முற்றாக மறந்து போகக் கூடிய விதத்தில் தற்போது துள்ளிசையில் தமிங்கில திரைப்படப் பாடல்கள் தயாரிக்கப்படுகின்றன.

தமிழை செம்மொழியாக்கிய புலவர்களுக்கு விழா எடுக்க தயங்கும் தமிழர்கள், தமிழைக் கொலை செய்து தமிங்கிலத்தில் கவிதை புனைந்து பாடல் பாடும் பண்படாதவர்களுக்கெல்லாம் பற்பல விருதுகள் கொடுத்து பண்பட்டவர்களெனக் கௌரவிப்பது தமிழின் துரதிஸ்டம்.

சித்திரவதைக்குள்ளாகும் தேன் தமிழின் பாடல்கள் வரிசையில் இப்போது நடிகர் தனூஸின் வரிகளும் தடம் பதிக்கத் தொடங்கி விட்டன, இதற்கு ஊடகங்களும் முன்னுரிமை கொடுப்பதால் தமிங்கிலத்திலான "WHY THIS KOLAVERI KOLAVERI KOLAVERI DI" எனும் பாடலுக்குச் சொந்தக்காரனான தனூஸின் குரல் சிறந்த சாரீரத்துக்கு ஒப்பானது என கூறப்பட்டு எதிர்காலத்தில் இந்தியாவின் தலைசிறந்த சங்கீத மேதைகளால் விருதுகள் கொடுத்துக் கௌரவிக்கக் கூடும்.

சங்கீதத்தை முறைப்படி கற்று பாடல்கள் பாடும் வித்துவான்கள் பலர் தூக்கி விட எவரும் இல்லாததால் எட்டாக்கனியாக வாழ்ந்து மறைந்து விடுகின்றார்கள், பண பலத்துடன் ஊடகங்களை கட்டுப்பாட்டுக்குள் வைத்திருக்கும் தமிங்கில கவிஞர்களும், பாடகர்களும் துள்ளிசையைக் கலப்பதால் பாமரர்களின் மனதில் இலகுவில் குடிகொண்டு விடுகின்றார்கள், இதனை இசைக்கு சிறந்த அடையாளமென நினைத்து மாயையை உருவாக்குகின்றார்கள்.

"WHY THIS KOLAVERI KOLAVERI KOLAVERI DI" எனும் பாடலைக் கேட்கும் போது தனூஸுக்கு ஏன் இந்தக் கொலைவெறி எனக் கேட்கத் தோன்றுகின்றது.

Song Details:
Singers: Dhanush, Shruti Hassan
Music Composer: Anirudh
Sound Engineer: Sivakumar
Movie Name: 3

WHY THIS KOLAVERI DI LYRICS

Yo boys i am singing song
Soup song...
Flop song ...
Why this kolaveri kolaveri kolaveri di
Why this kolaveri kolaveri kolaveri di
Rhythm correct
Why this kolaveri kolaveri kolaveri di
Maintain this
Why this kolaveri..aaa di.

Distance la moonu moonu moonu coloru whiteu
white background nightu nigthu
nightu coloru blacku
Why this kolaveri kolaveri kolaveri di
Why this kolaveri kolaveri kolaveri di

White skin-u girl-u girl-u
Girl-u heart-u black-u
Eyes-u eyes-u meet-u meet-u
My future dark
Why this kolaveri kolaveri kolaveri di
Why this kolaveri kolaveri kolaveri di

Maama notes eduthuko
Apdiye kaila snacks eduthuko
Pa pa paan pa pa paan pa pa paa pa pa paan
Sariya vaasi
Super maama ready
Ready 1 2 3 4...

Whaa wat a change over maama
Ok maama now tune change-u
Kaila glass only english
Hand la glass
Glass la scotch
Eyes-u full-aa tear-u
Empty life-u
Girl-u come-u
Life reverse gear-u
Lovv-u lovv-u, oh my lovv-u
You showed me bouv-u
Cow-u cow-u holi cow-u
I want u hear now-u
god i m dying now-u
she is happy how-u

This song for soup boys-u
We dont have choice-u
Why this kolaveri kolaveri kolaveri di [x4]
Flop song

மெல்லத் தமிழினிச் சாகும் - அந்த
மேற்கு மொழிகள் புவிமிசை யோங்கும் (பாரதி)

லண்டலில் மாவீரர் தின நிகழ்வுகளுக்குத் தடங்கல்!

2011-11-20T16:00:00.001+01:00

தமிழீழ விடுதலைப் புலிகளால்வருடாந்தம் நவம்பர் 27 ஆம் திகதி அனுட்டிக்கப்படும் மாவீரர் தின நிகழ்வுகள், 2009 ஆம்ஆண்டு முள்ளிவாய்க்காலில் விடுதலைப் புலிகளின் இராணுவ நடவடிக்கை முற்றுப் பெற்றதாகஅறிவிக்கப்பட்டு, விடுதலைப் புலிகளின் முக்கியத்தர்கள் அரச படைகளிடம் சரணடைந்ததைத்தொடர்ந்து விடுதலைப் புலிகளின் நடவடிக்கைகள் முடிவடைந்தன, ஆனால் புலம்பெயர்ந்த நாடுகளில்வாழும் விடுதலைப் புலிகள் இம்முறை மாவீரர் தின நிகழ்வுகளை நடாத்த ஏற்பாடு செய்துள்ளபோதிலும் சிறு சிறு பிரிவுகளாகவுள்ள அணிகள் ஒன்றுக்கொன்று மோதலில் ஈடுபட்டுள்ளதால்நிகழ்வு தடைப்படும் நிலையை எட்டியுள்ளது.

விடுதலைப் புலிகளின் தலைமைச்செயலகம் லண்டன் எக்சல் மண்டபத்தில் மாவீரர் தினத்தினை நடாத்துவதற்கான ஏற்பாடுகளுடன்மண்டப முன்பதிவு செய்யப்பட்டிருந்தது, ஆனால் நெடியவனின் தமிழர் ஒருங்கிணைப்புக் குழுஇடைஞ்சல் ஏற்படுத்தியதைத்தொடர்ந்து மண்டப முன்பதிவு இரத்துச் செய்யப்பட்டு முற்பணம் மீண்டும் உரியவர்களிடம்வழங்கப்பட்டுள்ளது.

ஏட்டிக்குப் போட்டியானசெயற்பட்டு வரும் இந்த இரு அணிகளின் செயற்பாட்டினால் ஹரோவில் ஏற்பாடாகி இருந்த தமிழர் ஒருங்கிணைப்புக் குழுவின் மாவீர்ர் தின நிகழ்ச்சிக்கான மண்டபமும்இரத்துச் செய்யப்பட்டுள்ளது, லண்டனில் தமிழர் ஒருங்கிணைப்புக் குழு ஐந்துஇடங்களை தேர்வு செய்திருந்தது குறிப்பிடத்தக்கது.

மாவீரர் தின நிகழ்வின்மூலம் அதிக பணத்தினை வசூலிப்பவர்கள் யார் எனும் போட்டியே இப்போது ஆதிக்கம் செலுத்தியுள்ளதால்இரு அணிகளும் மோதலில் ஈடுபடக் கூடிய வாய்ப்பே அதிகம் இருப்பதால் மக்கள் பலர் கலந்துகொள்ள மாட்டார்கள் என எதிர்பார்க்கப்படுகின்றது, இதனால் லண்டனில் மாவீரர் தின நிகழ்வுகள்கேள்விக் குறியாகி உள்ளன.

மேலதிக தேடலுக்கு:

தினக்கதிர்
Two venues booked for "Great Heroes Day" event in London cancelled at short notice

சமாதான உடன்படிக்கையின் தோல்வி "அமைதிக்கான அடமானங்கள்" - வீடியோ இணைப்பு

2011-11-17T20:38:00.001+01:00

ஶ்ரீ லங்கா அரசாங்கத்துக்கும் தமிழீழ விடுதலை புலிகளுக்கும் இடையில் நோர்வே அனுசரணையுடன் ஏற்படுத்தப்பட்ட சமாதான உடன்படிக்கை தோல்வி அடைந்தது தொடர்பாக கடந்த 2011.11.12 ஆம் திகதி நோர்வே தலைநகர் ஒஸ்லோவில் "அமைதிக்கான அடமானங்கள்" (Pawns of Peace) எனும் தலைப்பில் 208 பக்கங்களைக் கொண்ட அறிக்கை வெளியிடப்பட்டது.

208 பக்க அறிக்கை

மீளா துயில் கொண்ட சிவதாசன் (முன்னாள் பாராளுமன்ற உறுப்பினர்)

2011-11-13T20:58:00.001+01:00

வட இலங்கை இடதுசாரி தலைவர்களுள் ஒருவரும், ஈழ மக்கள் ஜனநாயகக் கட்சியின் மூத்த உறுப்பினரும், யாழ். மாவட்ட பாராளுமன்ற உறுப்பினராக இரண்டுமுறை பதவி வகித்திருந்தவருமான தோழர் சிவதாசன் அவர்கள், இன்று (2011.11.13) மாலை தனது 77வது வயதில் இயற்கை எய்தியுள்ளார்.

தமிழீழ விடுதலைப் புலிகளினால் 2006ல் மேற்கொள்ளப்பட்ட தற்கொலைக் குண்டுத் தாக்குதலில் தெய்வாதீனமாக உயிர் தப்பியிருந்தும் தொடர்ந்து நோய்வாய்ப்பட்டிருந்த தோழர் சிவதாசன் அவர்கள் ஏறத்தாழ 50 வருட கால அரசியல் வரலாற்றைக் கொண்ட விரல்விட்டு எண்ணக்கூடிய தமிழ் இடதுசாரி அரசியல் தலைவர்களுள் ஒருவர் என்பதுடன் அறுபதுகளின் பிற்பகுதியில் இலங்கை கம்யூனிஸ்ட் கட்சி முன்னெடுத்திருந்த பல ஆயுத அரசியல் போராட்டங்களின் முன்னோடிகளுள் ஒருவருமாவார். இலங்கையின் மூன்று மொழிகளிலும் பாண்டித்தியம் பெற்றிருந்த சிறந்த மொழி பெயர்ப்பாளருமான தோழர் சிவதாசன் அவர்கள் இறக்கும்வரையில் இலங்கையின் ஒடுக்கப்பட்ட - தாழ்த்தப்பட்ட மக்களின் விமோசனத்திற்காக அயராது குரல்கொடுத்துவந்திருந்த ஒருவர் என்பது குறிப்பிடத்தக்கது.

தனது மாணவப் பருவத்திலேயே இடதுசாரி அரசியலில் ஈடுபாடு கொண்டிருந்த தோழர் சிவதாசன் அவர்கள், இலங்கைக் கம்யூனிஸ்ட் கட்சியில் இணைந்து கொண்டு; வடக்கு கிழக்கில்; நிகழ்ந்த பல்வேறு அரசியல் போராட்டங்களில் பங்குபற்றி பல்வேறு சந்தர்ப்பங்களில் சிறைக்கும் சென்றவராவார்.

தோழர் சிவதாசன் கம்யூனிஸ்ட் கட்சியில் இணைந்திருந்த காலத்தில் தொழிற் சங்கப் பணிகளில் இலங்கையின் பல்வேறு பகுதிகளிலும் பணியாற்றியவர். இலங்கைத் தொழிற் சங்க சம்மேளனத்தின் பிரதிநிதியாக இலங்கைப் போக்குவரத்துச் சபை, தோட்டத் தொழிலாளர்கள் சங்கம், காங்கேசன்துறை சீமேந்துத் தொழிற்சாலை, ஆனையிறவு உப்புக் கூட்டுத்தாபனம், பரந்தன் இரசாயனத் தொழிற்சாலை போன்றவற்றில் தொழிற்சங்கங்களைக் கட்டியெழுப்பியதுடன், அந்த அமைப்புகளின் தொழிற்சங்க உரிமைகளுக்காகவும், தொழிலாளர்களது நலன்களுக்காகவும் அயராது போராடியவர். இவற்றிற்கும் மேலாக இலங்கை தொழில் நீதிமன்றத்தில் இலங்கை தொழிற்சங்க சம்மேளனத்தின் பிரதிநிதியாக வாதாடி, தொழிலாளர்களுக்கு பல வெற்றியையும் ஈட்டிக் கொடுத்தவர் என்பதும் குறிப்பிடத்தக்கது.

இலங்கைக் கம்யூனிஸ்ட் கட்சியில் இணைந்து பணியாற்றிய காலத்தில் பிரபல அரசியல் தலைவர்களாக விளங்கிய தோழர்கள் டொக்டர் எஸ்.ஏ.விக்கிரமசிங்க, பீற்றர் கெனமன், கே.பி.சில்வா போன்றோருடனும், கம்யூனிஸ்ட் கட்சி பிளவுபட்டதின் பின்னர் தோழர் என்.சண்முகதாஸனுடன் இணைந்து பணியாற்றிய சமயம், தோழர்களான பிரேம்லால் குமாரசிறி, எஸ்.டி.பண்டாரநாயக்க போன்றவர்களுடனும், வடபகுதியில் சகலரது நன்மதிப்பையும் பெற்றிருந்த கம்யூனிஸ்டுகளான தோழர் மு.கார்த்திகேசன், தோழர் வி.ஏ.கந்தசாமி ஆகியோருடனும் இணைந்து பணியாற்றியவர். இக்காலகட்டத்தில் தீண்டாமை ஒழிப்பு வெகுஜன இயக்கத்தால் முன்னெடுக்கப்பட்ட பல போராட்டங்களுக்குத் தலைமை தாங்கி வழிநடாத்திய போராட்ட வரலாறும் தோழர் சிவதாசனுக்குரியது.

தோழர் சிவதாசன் ஈழ மக்கள் புரட்சிகர விடுதலை முன்னணியில் இணைந்து செயற்பட்டபோது 1986ம் ஆண்டில் புலிகளால் தடுத்துவைக்கப்பட்டு மிகவும் கடுமையான சித்திரவதைகளுக்கு உள்ளாக்கப்பட்டதுடன், நீண்ட காலமாகத் சிறை வைக்கப்பட்டிருந்தார். புலிகளது பிடியிலிருந்து தப்பி வந்த அவர், தனது நெருக்கமான சகாக்களுடன் பல கிராமங்களில் தலைமறைவு வாழ்க்கையை மேற்கொண்டு, புலிகளது ஜனநாயக மறுப்புக்கு எதிராகவும், மக்கள் மீதான அடக்குமுறைகளுக்கு எதிராகவும் மக்களை அணி திரட்டுவதில் தனது உயிரையும் துச்சமென மதித்துச் செயற்பட்டிருந்தார்.

இந்திய – இலங்கை ஒப்பந்தத்தின் கீழ் உருவாக்கப்பட்ட மாகாண சபையில் மக்கள் பிரதிநிதியாக தெரிவு செய்யப்பட்டு, வடக்குக் கிழக்கு மக்களின் ஜனநாயக உரிமைகளை நிலை நாட்டுவதிலும், இலங்கை இனப் பிரச்சினையின் இறுதித் தீர்வுக்கு, இந்தியாவின் உதவியும், ஒத்தாசையும் அவசியம் என்பதை உணர்ந்து செயலாற்றியவர் என்பதுடன் தோழர் பத்மநாபாவின் அன்பிற்கும், நம்பிக்கைக்கும் உரியவராகவும் இருந்தார்.

ஈழ மக்கள் ஜனநாயகக் கட்சியின் பாராளுமன்ற உறுப்பினராக இரு தடவைகள் தெரிவு செய்யப்பட்டு அக்கட்சியின் முக்கியஸதர்களில் ஒருவராகவும் இருந்து மக்கள் பணியாற்றியிருந்த தோழர் சிவதாசன் அவர்கள், பின்னர் பனை அபிவிருத்திச் சபையின் தலைவராகவுமிருந்து சபையின் வளர்ச்சிக்காக அரும்பாடுபட்டார்.

தற்போது இலங்கை அமைச்சரவையில் கைத் தொழில் அபிவிருத்தி அமைச்சராகவுள்ள தோழர் டக்ளஸ் தேவானந்தா அவர்களின் தந்தையாராகிய திரு கதிரவேல் அவர்கள் இலங்கை கம்யூனிஸ்ட் கட்சியின் உறுப்பினராக இருந்த போது தோழர் சிவதாசன் அவர்களும் இணைந்து பணியாற்றியிருந்து, பின்னாளில் தோழர் கதிரவேல் அவர்களின் சகோதரியையே தனது வாழ்க்கைத் துணைவியாகவும் ஏற்றிருந்தார்.

மனிதநேயப்பண்பு, பன்மைத்துவ அரசியல் கோட்பாடு இவைகளோடு புலிகளின் தவறான வழிமுறைக்கு எதிராக இடைவிடாது குரல்கொடுத்து வந்திருந்த தோழர் சிவதாசன் அவர்கள், ஏழை மக்களின் இயல்பு வாழ்க்கை குறித்த நாளாந்த பிரச்சினைக்கான தீர்வு தொடக்கம் தமிழ் பேசும் மக்களின் அரசியல் அபிலாசைகளுக்கான இறுதித்தீர்வு வரை அதிக அக்கறையோடு செயலாற்றியிருந்த நிறைவான நீண்ட அரசியல் வரலாறு கொண்டவர். அவரது மறைவு தமிழ் மக்களுக்கு, குறிப்பாக தமிழ் இடதுசாரி இயக்கத்திற்கும், இலங்கையிலுள்ள ஒடுக்கப்பட்ட, உரிமை மறுக்கப்பட்ட ஏழை மக்களுக்கும் பேரிழப்பாகும்.

நன்றி: தேனீ இணையத்தளம்

தொடர்பான செய்தி : தமிழ் பேசும் மக்களின் அரசியலில் நீண்ட வரலாற்றைக் கொண்டவர் அமரர் எஸ்.சிவதாசன்

விடுதலைப் புலிகளின் தலைவர் பிரபாகரன் அரசியலில் கத்துக்குட்டி - எரிக் சொல்ஹைம்.

2011-11-13T16:03:00.001+01:00

2001 ஆம் ஆண்டு தொடக்கம் 10 தடவைகள் நோர்வே நாட்டின் சுற்றாடல் மற்றும் சர்வதேச விவகார அமைச்சர் எரிக் சொல்ஹைம் அவர்களைச் சந்தித்த தமிழீழ விடுதலை புலிகளின் தலைவர் வேலுப்பிள்ளை பிரபாகரன் அரசியலில் கத்துக்குட்டியாக இருந்து வந்தாரென இந்திய செய்தி ஊடகமான ஐ ஏ என் எஸ் இற்கு எரிக் சொல்ஹைம் வழங்கிய செவ்வியில் தெரிவித்துள்ளார்.

இந்தியாவின் பங்களிப்பின்றி எதுவும் சாத்தியமற்றது என உணர்ந்த அன்டன் பாலசிங்கம் இந்தியாவுக்கு முரணாகச் செய்யும் எந்தக் காரியமும் பயனற்றதாகவே முடியுமென தன்னிடம் கூறியதாக எரிக் சொல்ஹைம் குறிப்பிட்டுள்ளார்.

இந்திய பிரதமர் ராஜீவ் காந்தியின் கொலைக்கும் விடுதலைப் புலிகளுக்கும் சம்பந்தமில்லையென பிரபாகரனும், பொட்டு அம்மானும் பல தடவைகள் அன்டன் பாலசிங்கத்தை நம்ப வைக்க முயற்சித்ததாக முயன்றதாகவும் ஆனால் இந்த மறுதலிப்பை அன்டன் பாலசிங்கம் ஏற்றுக் கொள்ளவில்லையென தன்னிடம் கூறியதாக ஏரிக் சொல்ஹைம் தெரிவித்துள்ளார்.

தொடர்பான செய்தி:
India, LTTE met 'secretly' before Sri Lanka truce: Eric Solheim

கொழும்பு மாநகரசபைக்கு மனோவின் ஆதரவைக் கோரிய ரணிலின் கடிதம்.

2011-11-07T16:28:00.001+01:00

கொழும்பு மாநகரசபையின் ஆட்சிப் பொறுப்பைக் கொண்டுள்ள ஐக்கிய தேசியக் கட்சி அறுதிப் பெரும்பான்மையைக் கொண்டிராததால் மாநகரசபை முதல்வர் ஏ.ஜே.எம். முஸாமில் நிர்வாகத்தைக் கொண்டு நடாத்துவதில் சிக்கல்கள் நிகழக் கூடும் என உணர்ந்ததால் மனோ கணேசன் தலைமையிலான ஜனநாயக மக்கள் முன்னணியின் ஆதரவினை கட்சித் தலைவர் ரணில் விக்கிரமசிங்க எழுத்து மூலம் கோரியுள்ளார்.

கொழும்பு மாநகரசபையின் ஐக்கிய தேசியக் கட்சியின் நிர்வாகத்துக்கு ஜனநாயக மக்கள் முன்னணி ஆதரவு வழங்குவதாயின் நிபந்தனைகளை ஏற்றுக் கொள்ள வேண்டுமென மனோ கணேசன் கோரிக்கை விடுத்ததற்கு அமைய இன்று (2011.11.07) மாலை லண்டன் பயணிக்கும் ரணில் விக்கிரமசிங்க அவசரமாக கடிதத்தினை தயாரித்து மனோ கணேசனுக்கு அனுப்பியுள்ளார்.

மனோ கணேசனின் நிபந்தனைகளை புரிந்துணர்வுடன் ஏற்றுக் கொள்வதுடன் மாநகர முதல்வருக்கும் அறியப்படுத்தியுள்ளதாகவும், ஐக்கிய தேசியக் கட்சியின் செயற்குழு அங்கீகாரத்தின் பின்னர் கையொப்பம் இடுவேனென்றும் ரணில் விக்கிரமசிங்க கடிதத்தின் வாயிலாகத் தெரிவித்துள்ளார்.

கொழும்பு மாநகரசபைக்கு வழங்கவுள்ள ஆதரவு தொடர்பாக நாளை (2011.11.08) காலை கொழும்பில் ஜனநாயக மக்கள் முன்னணியின் தலைமை சந்திப்பை நடாத்தவுள்ளது, இச் சந்திப்பில் டிசம்பர் 31 ஆம் திகதி வரை ஐக்கிய தேசியக் கட்சியின் கொழும்பு மாநகரசபைக்கு ஜனநாயக மக்கள் முன்னணி கொடுக்கவுள்ள ஆதரவு தொடர்பாக இறுதி முடிவெடுக்கப்படவுள்ளது.

ஜனநாயக மக்கள் முன்னணியின் கொழும்பு மாநகரசபை உறுப்பினர்களுக்கு மாநகரசபையில் கிடைக்கவுள்ள பல்வேறு பொறுப்புகளைக் கொண்டே 2012 ஆம் ஆண்டுக்குரிய உடன்படிக்கை தொடரும் என எதிர்பார்க்கப்படுகின்றது.

ஶ்ரீ லங்கா தொடர்பான இணையத்தளங்கள் ஊடக - தகவல் அமைச்சில் பதிவு செய்யப்பட வேண்டும்.

2011-11-05T16:00:00.000+01:00

ஶ்ரீ லங்கா தொடர்புபட்ட செய்திகளை வெளியிடும் இணையத் தளங்கள் அனைத்தும் வெகுஜன ஊடக மற்றும் தகவல் அமைச்சில் தமது இணைய தளங்களை பதிவு செய்துகொள்ள வேண்டும் என அரசாங்க தகவல் திணைக்களம் தெரிவித்துள்ளது.

அரசாங்க தகவல் திணைக்கள பணிப்பாளர் பேராசிரியர் ஆரியரத்ன அத்துகல கையொப்பமிட்டு இன்று (2011.11.05) வெளியிட்டுள்ள அறிக்கை ஒன்றில் ஶ்ரீ லங்கா தொடர்பான செய்திகளை வெளியிடும் இணையத் தளங்கள் அமைச்சில் பதிவு செய்து கொள்ள வேண்டும் என தெரிவித்துள்ளார்.

K.W.T.N.Amaratunge, Additional Secretary (Devpt & Plann)
Ministry of Mass media and Information
No - 163, Kirulapona Avenue,
Polhengoda.
Colombo - 05
Sri lanka.

Email - amaratungamedia@yahoo.com, secretary@media.gov.lk

விடுதலைப் புலிகளின் முன்னாள் பெண் போராளியின் செவ்வி. - காணொளி

2011-11-03T14:18:00.000+01:00

ஶ்ரீ லங்காவில் இடம்பெற்ற விடுதலை புலிகள் மீதான யுத்தம் தொடர்பாக "Freedom Speaks"எனும் ஆவண திரைப்படம் அண்மையில் கொழும்பில் அங்குராப்பணம் செய்யப்பட்டது, அந் நிகழ்வில் கலந்து கொண்டவர்களை "அததெரண தமிழ்" இணையத் தளம் சந்தித்தது, அவர்களுள் தமிழீழ விடுதலைப் புலிகளினால் கட்டாயத்தின் பேரில் இணைக்கப்பட்ட புதுக்குடியிருப்பைச் சேர்ந்த முன்னாள் பெண் போராளி விஸ்வநாதன் நிரோசா என்பவரை செவ்வி கண்ட போது தெரிவித்த கருத்துக்கள் காணொளியாக இணைக்கப்பட்டுள்ளது.

நன்றி: அததெரண தமிழ்

உலக சனத்தொகை 7 பில்லியன்.

2011-10-30T18:42:00.000+01:00

சனத்தொகைப் பெருக்கத்தால் உலகம் திண்டாடிக் கொண்டிருக்கும் இத் தருணத்தில் உலக சனத்தொகை இன்னும் சொற்ப நேரத்தில் (2011.10.31 ஆம் திகதி)7 பில்லியனை(700 கோடி) எட்டுகின்றது. இந்த 7 பில்லியன் சனத்தொகையில் நீங்கள் எத்தனையாவது உறுப்பினர் என்பதை பிபிசி உலக சேவை இணைய இணைப்பின் ஊடாக தெரிவிக்கின்றது.

United Nations Population Fund, Global Footprint Network, International Telecommunications Union போன்றவற்றின் தரவுகளை வைத்து பிபிசி உலக சேவை இக் கணிப்பை நடாத்துகின்றது, பிறந்த திகதியை இணைப்பதன் மூலம் 7 பில்லியன் சனத்தொகையில் எத்தனையாம் இடத்தில் இருக்கின்றோம் என்பதனை கண்டறியலாம்.

மேலதிக தேடலுக்கு:
Current World Polulation
பிபிசி உலக சேவை
World Population: 7 Billion
World Polulation clock gives the approximate World population.
International Data Base
Current world population (ranked)